11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Շրի Լանկայի ափերի մոտ քիմիկատներով նավ է խորտակվել․ էկոլոգիական աղետի վտանգ կա
Քաղաքականություն
17.06.2021 | 16:44
Շրի Լանկայի խոշորագույն քաղաքներից մեկից՝ Կոլոմբոյից 18 կմ հեռավորության վրա գտնվող նավի օպերատորը հայտնել է, որ նավն ամբողջությամբ հայտնվել է ջրի տակ՝ 21 մետր խորությամբ։
Շրի Լանկայի ծովային միջավայրի պաշտպանության վարչության ղեկավարը հայտնել է, որ այժմ խորտակված նավը ջրից դուրս բերելն ապահով չէ՝ մուսսոնային սեզոնի և անհանգիստ ծովի պատճառով, որը կավարտվի միայն սեպտեմբերին, գրում է Associated press-ը։
Նավի վրա հրդեհը բռնկվել է մայիսի 20-ին, երբ այն սպասում էր Կոլոմբոյի նավահանգիստ մուտքին։ Նավի անձնակազմին տարհանել են, երբ դրա վրա պայթյուն է գրանցվել։ Ենթադրվում է, որ հրդեհի պատճառ է դարձել քիմիկատներով բեռը։ Հրդեհը հաջողվել է մարել անցյալ շաբաթ, սակայն նավը սկսել է խորտակվել և այսօր վերջնականորեն հայտնվել է ջրի տակ։
Վտանգավոր բեռի մեծ մասը վառվել է, սակայն աղբն ու թունավոր նյութերի մնացորդներն արդեն աղտոտել են հարակից լողափերը։ Մասնագետները մտավախություն ունեն, որ թունաքիմիկատների ու նավթի մնացորդների արտանետումը ծով կարող է վնասել ծովային կյանքը։ Շրի Լանկան արդեն 40 միլիոն դոլար է պահանջել վառված նավի սեփականատիրոջից։
Տաթև Ֆռանգյան
