24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Թուրքիան ցանկանում է տիեզերագնաց ուղարկել Միջազգային տիեզերակայան
Քաղաքականություն
17.06.2021 | 21:40
Թուրքիան բանակցություններ է վարում Ռուսաստանի ու ԱՄՆ-ի հետ՝ իր տիեզերագնացին Միջազգային տիեզերակայան հասցնելու համար։ Այս մասին հայտնել է Թուրքիայի Տիեզերագնացության ազգային գործակալության ղեկավար Սերդար Հուսեյն Յըլդըրըմը, գրում է «Գազետան»։
«Մենք բանակցություններ ենք վարում այս հարցի շուրջ հիմնականում ԱՄՆ-ից և Ռուսաստանից մեր գործընկերների հետ։ Արդեն եզրափակիչ փուլում ենք»,- ասել է նա։
Յըլդըրըմի խոսքով՝ պայմանագիրը կկնքվի առաջիկա ամիսներին, ինչից հետո կսկսվի թեկնածուների ընտրությունը։
Ավելի վաղ ամերիկացի ու եվրոպացի տիեզերագնացները դուրս են եկել տիեզերք, որպեսզի տեղադրեն նոր արևային վահանակը, սակայն դա նրանց չի հաջողվել։ NASA-ի հաղորդմամբ՝ տեղադրման աշխատանքների ժամանակ ամրացման համակարգի հետ կապված բարդություններ են առաջացել։
Տաթև Ֆռանգյան
