11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Հնդկաստանում հիմա էլ «կանաչ բոբորս» հիվանդություն է հայտնաբերվել
Քաղաքականություն
17.06.2021 | 16:25
Հնդկաստանում բժիշկները «սև», «սպիտակ» և «դեղին բորբոս» հիվանդությանը զուգահեռ՝ Ինդաուր քաղաքում COVID-19-ով վարակված անձանց մոտ նաև «կանաչ բորբոս» է հայտնաբերել։ Այս մասին հայտնում է Hindustan Times-ը՝ վկայակոչելով Մադխյան-Փրադեշ նահանգի առողջապահության դեպարտամենտի ներկայացուցչին։
Պարբերականի տվյալներով՝ այս դեպքը, հնարավոր է, երկրում առաջինն է։ 34-ամյա տղամարդը Ինդաուրիի հիվանդանոցում բուժում է ստացել վերջին կես տարում։ Նրա մոտ վնասված է եղել թոքերի 90%-ը։
Հիվանդը բուժվել է COVID-19-ից, սակայն շուտով քթից արյունահոսություն է սկսվել, բարձրացել է ջերմությունը։ Բժիշկները մուկորմիկոզ կամ «սև բորբոս» են կասկածել, սակայն հետազոտությունների ժամանակ պարզվել է, որ տղամարդու մոտ «կանաչ բորբոս» է։ Հիվանդն այժմ տեղափոխվել է Մումբայի հիվանդանոց՝ բուժում ստանալու։
«Ախտորոշման ժամանակ նրա թոքերում հայտնաբերվել է կանաչ սունկ, որը տարբերվում է մուկորմիկոզից։ Հնարավոր է՝ սա երկրում «կանաչ բորբոս» հիվանդության առաջին դեպքն է»,- լրագրողներին ասել է նահանգի առողջապահության դեպարտամենտի ներկայացուցիչ Ապուրվա Տիվարին։
Տաթև Ֆռանգյան
