30.06.2026 | 11:02
NYMEX. Թանկարժեք մետաղների գները նվազել են
Ավստրալիայի իշխանություններն արգելել են AstraZeneca պատվաստանյութի կիրառումը 60-ից ցածր տարիքի մարդկանց համար
Քաղաքականություն
17.06.2021 | 15:25
Ավստրալիայի կառավարությունը Իմունիզացիայի խորհրդատվական խմբի (ATAGI) խորհրդով որոշում է կայացրել չկիրառել բրիտանա-շվեդական AstraZeneca ընկերության պատվաստանյութը 60-ից ցածր տարիքին մարդկանց կորոնավիրուսի դեմ պատվաստումների համար։ Այս մասին հայտնել է երկրի առողջապահության նախարար Գրեգ Հանթը, փոխանցում է ՏԱՍՍ-ը։
«Ավստրալիայի կառավարությունը թարմացված խորհրդատվություն է ստացել AstraZeneca-ի՝ COVID-19-ի դեմ պատվաստանյութի կիրառման վերաբերյալ։ Այժմ այս պատվաստանյութը խորհուրդ է տրվում 60 և ավելի տարիքի մարդկանց իմունիզացիայի համար։ Փորձագետները նաև թարմացրել են Pfizer պատվաստանյութի կիրառմանը վերաբերող խորհրդատվությունը՝ խորհուրդ տալով 59 տարեկանից երիտասարդների համար կիրառել միայն այս պատվաստանյութը»,- նշել է գերատեսչության ղեկավարը։
Ըստ Հանթի՝ երկրի կառավարությունը մտադիր է շարունակել ճշգրտել կորոնավիրուսի իմունիզացիայի ազգային ծրագիրը՝ հիմնվելով ATAGI- ի գործառնական ուղեցույցների վրա:
Տաթև Ֆռանգյան
