17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Բաքուն հայկական կողմի գերիներին պահում է քաղաքական սակարկությունների համար. ՄԻՊ-ը՝ գերիների վերաբերյալ Ալիև-Էրդողան զրույցի մասին
Հասարակություն
16.06.2021 | 22:00
ՀՀ ՄԻՊ գրասենյակը հրապարակել է Թուրքիայի և Ադրբեջանի նախագահների քննարկումից մի հատված, որից կից գրել է՝ սա անհերքելի ապացույց է այն մասին, որ ադրբեջանական իշխանությունները հայկական կողմի գերիներին պահում են քաղաքական սակարկությունների համար:
1) հայկական կողմի բոլոր գերիներին ապօրինաբար պահում են պատանդի վիճակում` քաղաքական սակարկությունների համար.
2)իրականացնում են մարդկանց առևտուր` կատարելով հանցանք.
3)միջազգային հանրությանը շարունակաբար մոլորեցնում են` պնդելով, թե իբր գերիները ահաբեկիչ կամ դիվերսանտ են.
4) գերիների նկատմամբ կազմակերպում են կեղծ քրեական դատավարություններ:
Թուրքիայի և Ադրբեջանի նախագահների այս քննարկումն այն մասին է, որ հայկական կողմի գերիներն Ադրբեջանում ապօրինաբար պահվում են` ինչ-որ ականապատ քարտեզների դիմաց մաս-մաս փոխանակելու համար:
ՀՀ մարդու իրավունքների պաշտպանի աշխատակազմը տեսանյութը թարգմանել է ռուսերեն և անգլերեն ու վերլուծության ենթարկել:
Այն ՀՀ մարդու իրավունքների պաշտանի պաշտոնական նամակով կուղարկվի ՄԱԿ-ի մասնագիտացված մարմիններին, ԵԱՀԿ, ԵԽ և այլ միջազգային կառույցներին:
