31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Կորոնավիրուսի դեմ նոր դեղամիջոց է հայտնաբերվել․ այն փրկում է ծանր հիվանդների կյանքը. BBC
Քաղաքականություն
16.06.2021 | 19:29
Բժիշկները, դեղագործներն ու գիտնականները կորոնավիրուսով ծանր հիվանդների համար նոր դեղորայք են գտել։ Հակամարմիններից կազմված այս միջոցը ոչ բոլորին, սակայն շատերին փրկում է, գրում է BBC-ի ռուսական ծառայությունը։
Նոր և բավականին թանկ այս դեղամիջոցն իրենից ներկայացնում է հակամարմինների երկու տեսակից ստացված խառնուրդ, որը ներարկվում է երակից և օգնում է օրգանիզմին՝ չեզոքացնել վիրուսը։
Recovery trial կորոնավիրուսի դեմ դեղորայքի որոնման բրիտանական ծրագրի շրջանակում փորձարկումները ցույց են տվել, որ այս դեղամիջոցն օգնում է կորոնավիրուսով վարակված յուրաքանչյուր 3-րդ հիվանդին։
Մոնոկլոնալ հակամարմիններից ստացված դեղը, որը ստեղծում է ամերիկյան Regenoron ընկրությունը, արժե 1400-ից 2800 դոլար։ Այդ դեղամիջոցով կարելի է բուժել միայն նրանց, ում օրգանիզմն ինքնուրույն չի կարողանում կորոնավիրուսի դեմ պայքարող հակամարմիններ ստեղծել։
Տաթև Ֆռանգյան
