30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Ֆրանսիայում սանիտարահամաճարակային իրավիճակը բարելավվել է․ պարետային ժամը չեղարկվում է
Քաղաքականություն
16.06.2021 | 17:12
Ֆրանսիայում հունիսի 21-ից կչեղարկվի պարետային ժամը՝ երկրում սանիտարահամաճարակային իրավիճակի բարելավման արդյունքում։ Այս մասին հայտարարել է երկրի վարչապետ Ժան Կաստեքսը Ֆրանսիայի կառավարության և պաշտպանության խորհրդի համատեղ խորհրդակցությունից հետո, գրում է ABC21-ը։
Այժմ երկրում օրական գրանցվում է կորոնավիրուսի 3․900 նոր դեպք, մինչդեռ մայիս-ապրիլ ամիսներին այս թիվը հասնում էր 35․000-ի։
«Երկրում սանիտարական իրավիճակը բարելավվել է։ Պարետային ժամը, որն այժմ գործում է 23։00-ից մինչ 06։00-ն, կչեղարկվի երկուշաբթի երեկոյան»,- ասել է Կաստեքսը։
Կառավարության ղեկավարը նաև հայտնել է, որ նախարարների կաբինետը որոշել է չեղարկել փողոցում պարտադիր դիմակ կրելու պահանջը և համապատասխան փոփոխությունը մտցնել համաճարակային կանոններում։
Այս որոշումն ընդունվել է այն բանից հետո, ինչ նախօրեին շատ ֆուտբոլասերներ առանց դիմակի փողոց են դուրս եկել՝ տոնելու Ֆրանսիա-Գերմանիա խաղում Ֆրանսիայի հավաքականի հաղթանակը։ Սակայն երկրի վարչապետը նշել է, որ փակ տարածքներում, մարզադաշտերում, շուկայում և հերթ կանգնելուց դիմակ կրելը կմնա պարտադիր։
Տաթև Ֆռանգյան
