09.06.2026 | 14:20
Պատրաստվում ենք դիմել ՍԴ՝ վիճարկելու ընտրության արդյունքները․ Իշխան Սաղաթելյան․ ՏԵՍԱՆՅՈՒԹ
Բայդենը ժամանել է Լա Գրանժ վիլլա․ նրան դիմավորել է Շվեյցարիայի ղեկավարը
Քաղաքականություն
16.06.2021 | 15:32
ԱՄՆ նախագահ Ջո Բայդենը նույնպես ժամանել է Ժնևի Լա Գրանժ վիլլա, որտեղ պետք է տեղի ունենա նրա հանդիպումը ռուսաստանցի գործընկեր Վլադիմիր Պուտինի հետ։ ԱՄՆ նախագահին դիմավորել է Շվեյցարիայի ղեկավարը։
Հիշեցնենք՝ րոպեներ անց կայանալու է Բայդեն-Պուտին գագաթնաժողովը։ Ընդլայնված կազմով բանակցությունները կսկսվեն տեղի ժամանակով 14։55-ին։ Բայդենը նաև մամլո ասուլիս կտա Պուտինի հետ հանդիպումից հետո, սակայն դրա մեկնարկի ժամը Սպիտակ տունը չի նշել։ Ակնկալվում է, որ նախ ասուլիսով հանդես կգա ՌԴ ղեկավարը։
Հավելենք, որ սա կլինի ՌԴ և ԱՄՆ ղեկավարների առաջին դեմ առ դեմ հանդիպումը Բայդենի՝ ԱՄՆ նախագահ դառնալուց հետո։ Ժնև Պուտինի ուղևորությունը կլինի ռուս ղեկավարի առաջին արտագնա այցը 2020 թվականի հունվարից։
ՌԴ նախագահի օգնական Յուրի Ուշակովն ավելի վաղ հայտնել էր, որ երկու երկրների ղեկավարները կքննարկեն հակամարտությունները Լեռնային Ղարաբաղում, Ուկրաինայում, Սիրիայում, Լիբիայում, Աֆղանստանում։ Օրակարգում են նաև ռազմավարական կայունությունը, համաճարակը, կիբերհանցագործությունների դեմ պայքարը, տնտեսության ոլորտում համագործակցությունը, կլիմայի փոփոխությունն ու Արկտիկայի խնդիրները։
Տաթև Ֆռանգյան
