11.10.2026 | 12:06
Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով
Փաշինյանը՝ Ամուլսարի մասին․ «Անձամբ կգամ, կնստենք, երկար կխոսենք, միասին կլուծենք հարցը». ՏԵՍԱՆՅՈՒԹ
Տնտեսություն
16.06.2021 | 14:00
«Ասում ենք Ջերմուկ և շատ հաճախ առերեսվում ենք Ամուլսարի հետ կապված իրադրությանը: Շարունակում ենք այդ թեմայով աշխատել, մեր խնդիրն է ՀՀ հավասարակշռված շահերին համապատասխան որոշման հանգել, առաջին հերթին համայնքների շահերը լիարժեք պահպանել»,- այս մասին այսօր Ջերմուկում նախընտրական հանդիպմանը նշեց վարչապետի պաշտոնակատար, ՔՊ վարչապետի թեկնածու Նիկոլ Փաշինյանը։
«Կան մարդիկ, ովքեր ասում են՝ Ամուլսարը պետք է աշխատի, կան մարդիկ ասում են՝ չպետք է աշխատի: Պետք է կարողանանք հավասարակշռված որոշման գալ: Ես անձամբ կգամ, կնստենք, կխոսենք, այս հարցը միասին պետք է լուծենք՝ հասկանալով յուրաքանչյուր դետալը»,- նշեց Փաշինյանը:
Խոսելով ստեղծված քաղաքական իրադրության մասին՝ նա նշեց, որ Հայաստանում նախընտրական իրավիճակը պարզաբանվել է. «Երեկ վերջնականապես և անշրջելիորեն ՀՀ նախընտրական իրավիճակը պարզաբանվել է Սյունիքի մարզի մեր փառահեղ նախընտրական քարոզչությունից հետո։ Հանրապետության տարբեր մարզերից մենք ստանում ենք ուրախության արձագանքներ»։
«Ինչո՞ւ է ամբողջ հանրապետությունն այդպես բուռն արձագանքել Սյունիքի մարզի մեր քարոզարշավին, որովհետև էս 7 ամսվա ընթացքում որոշ մարդիկ տպավորություն են ստեղծել, թե Սյունիքը հակադրվում է մնացած Հայաստանին։ Ինչ-որ Լեռնահայաստանի մասին են խոսում, սեպարատիստական ակնարկներ են անում։ Եվ երեկ երևաց, որ այդ մարդիկ լուսանցքային մարդիկ են։ Այդ մարդկանց և երազախաբություն է սպասվում, և գելափախաբություն։ Ես այսօր իրենց վերջին մարդասիրական առաջարկն եմ անում։ Քանի որ Գորիսում, Մեղրիում խոստացել եմ, որ որոշ պաշտոնյաների տեղի ժողովուրդը տեսնելու են ասֆալտին փռված, և դա իմ անձնական հանձնառությունն է, որպես բարի կամքի դրսևորում, այսօր իրենց առաջարկում եմ, ասում եմ՝ գնացեք իմ ցույց տված կոորդինատներում պառկեք ասֆալտի վրա, սելֆի արեք և ձեր պաշտոնական էջերում դրեք։ Սա համարենք այսպես լուծում։ Շտապեք, որովհետև ժամանակը սահմանափակ է, որովհետև կարող է չհասցնեք դա անել»,- նշեց Փաշինյանը:
Մանրամասները՝ տեսանյութում:
