09.06.2026 | 11:24
Թրամփը զգուշացրել է Նեթանյահուին, որ շուտով նա կարող է «միայնակ մնալ Իրանի դեմ»
Իսրայելն ավիահարվածներ է հասցրել Գազայի հատվածի ուղղությամբ
Քաղաքականություն
16.06.2021 | 13:06
Իսրայելն ավիահարվածներ է հասցրել Գազայի հատվածի ուղղությամբ՝ մայիսին հակամարտության 11-օրյա սրացումից հետո առաջին անգամ։ Հունիսի 16-ին իսրայելական բանակի կործանիչները գրոհել են ԵՄ-ում ահաբեկչական ճանաչված ՀԱՄԱՍ շարժման ռազմական օբյեկտները Գազա և Խան Յունիսե քաղաքներում, հայտնում է Reusters-ը։
Իսրայելի Պաշտպանության բանակից նշել են, որ կրակոցներն իրականացվել են՝ ի պատասխան ՀԱՄԱՍ-ի՝ Իսրայելի ուղղությամբ դյուրավառ խառնուրդներով օդապարուկներ ուղարկելուն։
Միևնույն ժամանակ, Իսրայելի պաշտպանության ուժերը հայտարարել են, որ «պատրաստ են բոլոր սցենարներին, ներառյալ՝ ռազմական գործողությունների վերսկսումը Գազայից բխող ահաբեկչական հարձակումների շարունակման ֆոնին»:
Իսրայելցի հրշեջների խոսքով՝ օդապարուկների արձակումն առնվազն 20 հրդեհ է առաջացրել Գազայի հատվածի հետ սահմանին:
Տաթև Ֆռանգյան
