30.06.2026 | 11:20
«Կիոկուշին կարատեն մարզիկի մեջ ձևավորում է կարգապահություն, ինքնավստահություն և չհանձնվելու ձգտում»․ Վահագն Հակոբյան
Կրեմլում չեն բացառել Պուտինի և Բայդենի առանձնազրույցի հավանականությունը
Քաղաքականություն
16.06.2021 | 12:54
ՌԴ և ԱՄՆ նախագահներ Վլադիմիր Պուտինն ու Ջո Բայդենը կարող են առանձնազրույց ունենալ Ժնևում նախանշված գագաթնաժողովի ժամանակ։ Այս մասին հայարարել է Կրեմլի պաշտոնական ներկայացուցիչ Դմիտրի Պեսկովը, գրում է Lenta.ru-ն։
Նա հավելել է, որ եթե երկրների ղեկավարները ցանկանան, կխոսեն առանձին, քանի որ բանակցությունների համար նախատեսված ժամանակը սահմանափակված չէ։
Ռուսաստան-ԱՄՆ գագաթնաժողովը տեղի կունենա այսօր Ժնևում։ Երկու երկրների ղեկավարներն առաջին անգամ դեմ առ դեմ հանդիպում կունենան Բայդենի՝ ԱՄՆ նախագահ դառնալուց հետո։ Ժնև Պուտինի ուղևորությունը կլինի ռուս ղեկավարի առաջին արտագնա այցը 2020 թվականի հունվարից ի վեր։
ՌԴ նախագահի օգնական Յուրի Ուշակովն ավելի վաղ հայտնել էր, որ երկու երկրների ղեկավարները կքննարկեն հակամարտությունները Լեռնային Ղարաբաղում, Ուկրաինայում, Սիրիայում, Լիբիայում, Աֆղանստանում։ Օրակարգում են նաև ռազմավարական կայունությունը, համաճարակը, կիբերհանցագործությունների դեմ պայքարը, տնտեսության ոլորտում համագործակցությունը, կլիմայի փոփոխությունն ու Արկտիկայի խնդիրները։
Տաթև Ֆռանգյան
