15.05.2025 | 23:31
Ադրբեջանում 2024 թվականին զոհվել է 51 զինծառայող, 2025-ի առաջին հինգ ամիսներին` 14 զինծառայող
Փոխվարչապետի պաշտոն չեմ զբաղեցնելու, պայմանավորվեցինք. Խաչատուր Սուքիասյան. ՏԵՍԱՆՅՈՒԹ
Քաղաքականություն
15.06.2021 | 18:59
«Հերթական հորինվածքն է, հերթական լկտի սուտն է»,- այս մասին Factor.am-ի հետ զրույցում նշեց «Քաղաքացիական պայմանագիր» կուսակցության պատգամավորության թեկնածու Խաչատուր Սուքիասյանը՝ անդրադառնալով դիտարկմանը, որ քարոզարշավի ընթացքում հայտնվել է քննադատությունների թիրախում. կա կարծիք, որ նա այն եզակի գործարարներից է, որը շահագրգռված է ճանապարհների ապաշրջափակմամբ, քանի որ բիզնես շահեր է հետապնդում՝ մասնավորապես ադրբեջանական էժան նավթի վաճառքի հետ կապված:
«Ես շատ ավելի վաղ ժամանակներից անձնական շահով չեմ առաջնորդվում, ես ավելի շատ մտածում եմ, թե Հայաստանի Հանրապետությանն ինչ է պետք»,- վստահեցրեց Սուքիասյանը:
Նա նաև հավելեց, որ ՔՊ ցուցակում ներգրավվել է, որպեսզի Հայաստանը չվերադառնա կառավարման նախկին ոճին, կոռումպացված կառավարմանը:
«ՔՊ-ի հետ ԱԺ գնալու իմ նպատակը մեկն է՝ այն բարեփոխումները, որ սկսել է «Քաղաքացիական պայմանագիրը», իրականացնի, մինչև տրամաբանական ավարտը»,- ասաց Սուքիասյանը:
Դիտարկմանը, որ կա տեսակետ, թե փոխվարչապետի պաշտոնին է հավակնում, Սուքիասյանը արձագանքեց. «Այդպիսի քննարկում չի եղել: Պաշտոնի վերաբերյալ քննարկում չի եղել, որովհետև խնդիրը եղել է քաղաքական՝ մենք ուզում ենք, որ ՔՊ-ն կայուն մեծամասնություն ունենա»:
Հարցին, թե, այնուամենայնիվ, ինչ կանի, եթե առաջարկվի փոխվարչապետի պաշտոն, Սուքիասյանը պատասխանեց. «Փոխվարչապետի պաշտոն չեմ զբաղեցնելու, չեմ ուզում, պայմանավորվեցի՞նք. օֆիցիալ Ձեզ ասում եմ»:
Մանրամասները՝ տեսանյութում:
