14.12.2024 | 19:57
Ինչ իրավիճակ է ճանապարհներին 19։35-ի դրությամբ
Երևանի բնակարաններից մեկում կանխվել է քաղաքացու ինքնահրկիզման փորձը
Հասարակություն
15.06.2021 | 16:40
Հունիսի 15-ին, ժամը 12։55-ին Ճգնաժամային կառավարման ազգային կենտրոն ահազանգ է ստացվել, որ Երևանի Սարյան փողոցի թիվ 44 շենքի բնակարաններից մեկում հրդեհ է բռնկվել։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք և Հոգեբանական աջակցության բաժնի հերթապահ հոգեբանը. տեղեկացնում են ՀՀ ԱԻՆ-ից:
Պարզվել է, որ բնակարանում տեղի է ունեցել ինքնահրկիզման փորձ, որը կանխվել է տեղի ուժերով։
Մինչ փրկարարների կանչի վայր հասնելը, քաղաքացին տարբեր աստիճանի այրվածքներով հոսպիտալացվել է։
Դեպքի վայրում գտնվող հարկադիր կատարումն ապահովող ծառայության տեսուչը և Կենտրոն ՈԲ աշխատակիցը, փորձելով օգնություն ցուցաբերել ինքնահրկիզվողին, ստացել են տարբեր աստիճանի մարմնական այրվածքներ և հոսպիտալացվել ԲԿ։
