11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Բելառուս բլոգեր Տիխանովսկու ու նրա մերձավորների գործով դատական գործընթացը կսկսվի հունիսի 24-ին
Քաղաքականություն
15.06.2021 | 16:29
Բելառուսի նախագահական ընտրությունների ժամանակ անկարգությունների կազմակերպման համար մեղադրվող բելառուս բլոգեր Սերգեյ Տիխանովսկու և նրա մերձավորների գործով դատական գործընթացը կսկսվի հունիսի 24-ին Գոմելի քննչական մեկուսարանում։ Այս մասին ՏԱՍՍ-ին հայտնել են Գոմելի շրջանային դատարանից։
«Հունիսի 24-ին քրեական գործը կսկսի քննվել Գոմելի մարզային դատարանում՝ դատական կոլեգիայի կողմից։ Գործընթացը կանցնի փակ ռեժիմով Գոմելի №3 բանտում»,- նշել են մարզային դատարանում։
Բելառուսի գլխավոր դատախազությունը մայիսի 5-ին Գերագույն դատարան է ուղարկել Սերգեյ Տիխանովսկու, Նիկոլայ Ստատկևիչի, Արտյոմ Սակովի, Դմիտրի Պոպովի, Վլադիմիր Ցիգանովիչի և Իգոր Լոսիկի դեմ հարուցված քրեական գործերը՝ «2019 թվականի հունիսից՝ 2020թ․ Բելառուսի Հանրապետության նախագահի ընտրությունների անցկացման ու կազմակերպման ժամանակ, երկրի տարածքում զանգվածային անկարգություններ ծրագրելու համար»։
Գլխավոր դատախազությունը հայտնել է, որ «Տիխանովսկու և նրա հանցակիցների ապօրինի գործողությունների արդյունքում պետությունը վնաս է կրել ավելի քան 3 միլիոն բելառուսական ռուբլու (մոտ 1.16 միլիոն դոլար) չափով»:
Հաղորդվում է նաև, որ մեղադրյալի գույքը՝ ավելի քան 2 միլիոն բելառուսական ռուբլի (մոտ 775 հազար դոլար) արժեքով, կալանքի տակ է։ Բելառուսի քրեական օրենսդրությամբ՝ մեղադրյալներին սպառնում է մինչև 15 տարվա ազատազրկում:
Տաթև Ֆռանգյան
