11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Բայդենը ռուս-ամերիկյան հարաբերությունների ապագան կապել է Նավալնիի ճակատագրի հետ
Քաղաքականություն
15.06.2021 | 15:37
ԱՄՆ նախագահ Ջո Բայդենը ռուս-ամերիկյան հարաբերությունների ապագան կապել է ՌԴ-ում բանտարկված Ալեքսեյ Նավալնիի ճակատագրի հետ։ Եթե քաղաքական գործիչը մահանա կամ սպանվի, դա կդառնա «ևս մեկ ցուցանիշը այն բանի, որ Ռուսաստանը չի ցանկանում հետևել մարդու հիմնարար իրավունքներին», գրում է Euronews-ը։
«Դա կլինի ողբերգություն և միայն կվնասի ինձ հետ և, ինչպես ինձ է թվում, ողջ աշխարհի հետ Պուտինի փոխգործակցությանը»,- ասել է Սպիտակ տան ղեկավարը՝ պատսխանելով լրագրողի հարցին։
Ռուսաստանի մասին հարցերին Բայդենը պատասխանել է ՌԴ ղեկավար Վլադիմիր Պուտինի հետ հանդիպման նախաշեմին։ Գագաթնաժողովը տեղի կունենան հունիսի 16-ին Ժնևում։ ԱՄՆ նախագահի խոսքով՝ մտադիր է առաջարկել Կրեմլին համագործակցել այն ոլորտներում, որտեղ դեռևս հնարավոր է։ Բացի այդ, Բայդենը խոստացել է Մոսկվայի համար «կարմիր գծեր» նշել ու «կոշտ միջոցներով» է սպառնացել, եթե համաաձայնության հասնել չհաջողվի։
Պուտինն իր հերթին գագաթնաժողովի նախաշեմին հայտարարել է երկկողմ համագործակցության տարբեր ուղղություններով «աշխատանքային մեխանիզմներ» ստեղծելու ցանկության մասին։ Իսկ, ընդհանուր առմամբ, ՌԴ ղեկավարը խորհուրդ է տվել «չսխալվել» Մոսկվայի հանդեպ Վաշինգտոնի դիրքորոշումների հնարավոր մեղմման հարցում։
Հիշեցնենք, որ միջազգային թատերաբեմում Ռուսաստանի ու ԱՄՆ-ի հարաբերություններն էլ ավելի են վատթարացել ռուսաստանցի ընդդիմադիր Ալեքսեյ Նավալնիի թունավորումից, այնուհետև՝ նաև ձերբակալումից հետո։ ԱՄՆ-ում Կրեմլին քննադատում են նաև Ուկրաինայի հետ սահմանին զորքերի կուտակման համար, ինչպես նաև մեղադրում կիբերհարձակումների մեջ։
