07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Հարավային Կորեայի ու ԿԺԴՀ-ի սահմանները կհսկեն ռոբոտները
Քաղաքականություն
15.06.2021 | 13:41
Կորեայի Հանրապետության և ԿԺԴՀ-ի սահմանի շրջանում կտեղակայվեն ռոբոտներ, որոնք հագեցած են գերժամանակակից սենսորներով և արհեստական բանականությամբ։ Այս մասին երեքշաբթի հայտնել են Հարավային Կորեայի պաշտպանական գնումների պետական գործակալությունից (DAPA), գրում է ՏԱՍՍ-ը։
Կառույցի տվյալներով՝ 2,5 միլիոն դոլար արժողությամբ առաջին երկու ռոբոտ-սահմանապահներին նախատեսվում է ապառազմականացված գոտու հարավային հատվածում տեղակայել այս տարվա հոկտեմբերին: Նրանք գործելու են երեք ամիս՝ փորձնական ռեժիմով, որից հետո որոշում կկայացվի դրանց զանգվածային կիրառման վերաբերյալ:
Հաղորդվում է, որ ռոբոտները շարժվելու են հատուկ ռելսերի վրա, վայրկյանում մինչև հինգ մետր արագությամբ, և հերթապահելու են շուրջօրյա: Սարքերը հագեցած են շարժական տեսախցիկներով: Ռոբոտի արհեստական ինտելեկտն ինքնուրույն կվերլուծի տեսախցիկից ստացած հնչյուններն ու պատկերները և, կասկածելի գործունեություն հայտնաբերելու դեպքում, կտեղեկացնի օպերատորներին:
«Ռոբոտների օգտագործումը մեզ թույլ կտա ավելի խիստ շուրջօրյա հսկողություն սահմանել, նվազագույնի հասցնել բացերի առկայությունը և, ընդհանուր առմամբ, բարձրացնել Հարավային Կորեայի զորքերի մարտունակությունը»,- ասված է DAPA-ի հայտարարության մեջ:
Տաթև Ֆռանգյան
