09.06.2026 | 00:17
Մարկո Ռուբիոն շնորհավորել է Փաշինյանին
Մակրոնն ու Էրդողանը բանակցել են Բրյուսելում
Քաղաքականություն
14.06.2021 | 14:14
Բրյուսելում ՆԱՏՕ-ի շտաբում այսօր տեղի է ունեցել Թուրքիայի նախագահ Ռեջեփ Թայիփ Էրդողանի ու Ֆրանսիայի նախագահ Էմանուել Մակրոնի հանդիպումը, գրում է թուրքական «Անադոլու» գործակալությունը։
Նշվում է, որ հանդիպումը կազմակերպվել է Հյուսիսատլանտյան դաշինքի առաջնորդների գագաթնաժողովի շրջանակում՝ մամուլի համար փակ ձևաչափով։ Տեղեկացվում է նաև, որ Էրդողանի ու Մակրոնի բանակցությունները տևել են 50 րոպե։ Այլ մանրամասներ չեն հաղորդվում։
Հիշեցնենք՝ Ֆրանսիայի նախագահը հայտարարել էր, որ պատրաստվում է Թուրքիայի առաջնորդի հետ կայանալիք հանդիպմանը, ի թիվս այլ հարցերի, քննարկել նաև ԼՂ հիմնախնդիրը:
«Մենք խորը տարաձայնություններ ունենք և գիտենք դրանց մասին: Ժամանակ առ ժամանակ ունեցել ենք հակասություններ և ընդունել ենք այդ փաստը: Սակայն, անկախ այդ տարաձայնություններից, մենք միշտ պետք է երկխոսենք: Ես կցանկանայի նախագահ Էրդողանի հետ խոսել ՆԱՏՕ-ի և անդամ պետությունների միջև վարքագծի կանոնների մասին։ Կցանկանայի խոսել Սիրիայի, Լիբիայի, Լեռնային Ղարաբաղի իրավիճակի, Հայաստանի և Ադրբեջանի միջև հակամարտության մասին»,- ասել էր Մակրոնը:
Տաթև Ֆռանգյան
