22.11.2024 | 22:27
Ինչու 1 օրում 6 պաշտոնյա հրաժարական տվեց. Փաշինյանի պարզաբանումը. ՏԵՍԱՆՅՈՒԹ
Դրամաշնորհ ստացած մշակութային նախագծերի մեծ մասը կանցկացվի Հայաստանի սահմանամերձ համայնքներում
Մշակույթ
12.06.2021 | 18:40
Հայաստանի սահմանամերձ գոտիներում, Արցախում մշակութային կյանքի զարգացմանը նպաստելու ձգտումով ՀՀ կրթության, գիտության, մշակույթի և սպորտի նախարարությունը կաջակցի այն նախաձեռնությունների իրականացմանը, որոնք միտում կա կազմակերպել մարզերում: «Արմենպրես»-ի հաղորդմամբ՝ հունիսի 12-ին լրագրողների հետ հանդիպմանը ՀՀ ԿԳՄՍ նախարարի տեղակալ Արա Խզմալյանն ասաց, որ 2021-ին պետական դրամաշնորհ ստացած նախագծերի մեծ մասն անցկացվելու է սահմանամերձ համայնքներում:
«Բազմաթիվ ստեղծարար նախագծեր դուրս են մնացել ծրագրից, որովհետև այսօր մենք այլ առաջնահերթություններ և մարտահրավերներ ունենք: Առաջիկայում Սյունիքում համերգաշար է տեղի ունենալու: Կամերային երաժշտության ազգային կենտրոնը Բաբաջանյանին, Միրզոյանին նվիրված ծրագրերն է ուղղորդելու դեպի համայնքներ: Տարբեր կրթական ծրագրեր են նախատեսվում դրամաշնորհների միջոցով, որոնք կբարձրացնեն, պատմության, մշակույթի, գրի մասին գիտելիքները: Մեղրիում կլինի թատերական նախագիծ՝ Գեղագիտության ազգային կենտրոնի հետ համագործակցությամբ»,-տեղեկացրեց Խզմալյանը:
Նա նշեց, որ իրանցի տարբեր պաշտոնյաներ հակված են հայ-իրանական համատեղ նախագծեր իրականացնել ու համախմբել Հայաստանի և Իրանի պատանիներին:
Անդրադառնալով մշակութային ժառանգության պահպանման հարցին՝ Խզմալյանն ասաց, որ այժմ պետական ռեսուրսը ներդրված է օկուպացված տարածքներում մնացած հայկական ժառանգության տեղեկատվական և ֆիզիկական անվտանգությանը:
Ըստ Խզմալյանի՝ այժմ թե՛ ֆինանսական, թե՛ մարդկային, թե՛ մասնագիտական ռեսուրսները պետք է ներդնել ներկա պահին սահմանային գոտիներում ապրող հայրենակիցների բարոյահոգեբանական վիճակը փոփոխու, հանրային տրամադրություններ բեկելու գործին, քանի որ պարտությունը սկսում է հոգեբանությունից: «Եթե մենք ընկալում ենք մեզ ու դիրքավորում ենք որպես պարտված ու հանձնված հանրություն և ագգ, ոչ մի քաղաքական լուծում չի կարող օգնել, այնինչ այդ լուծումները գուցե ուշանան, բայց ազգը կարող է բարոյահոգեբանական ամուր վիճակում լինել և չպարտվել: Այստեղ էլ մեծ դեր ունի մշակույթը»,-եզրափակեց ՀՀ ԿԳՄՍ փոխնախարարը:
