08.09.2026 | 16:50
Կինս մրցույթով է մանկապարտեզի տնօրեն դարձել․ միակ մասնակիցն է եղել․ Կատվալյան․ ՏԵՍԱՆՅՈՒԹ
ՄԱԿ-ի Զարգացման ծրագիրը ՀՀ-ին 2021-2025 թթ. կտրամադրի 75 մլն դոլար
Տնտեսություն
12.06.2021 | 15:33
ՄԱԿ-ի Զարգացման ծրագրի գործադիր խորհուրդը Նյու Յորքի ամենամյա նստաշրջանի ժամանակ ընդունել է 2021-2025 թվականների Հայաստանի աջակցության փաստաթուղթ: Զարգացման ծրագիրը գնահատվել է ավելի քան 75 մլն դոլար:
Նախքան փաստաթղթի ընդունումը ՄԱԿ-ում ՀՀ մշտական ներկայացուցիչ Մհեր Մարգարյանն իր խոսքում ողջունել է Հայաստանի անկախության առաջին օրվանից ՄԱԿ-ի Զարգացման ծրագրի հետ երկար տարիների համագործակցությունը, ինչպես նաև ՄԱԿ-ի համակարգի աջակցությունը սոցիալ-տնտեսական ծրագրերին՝ ուղղված Կայուն զարգացման նպատակների իրականացմանը:
Զարգացման ծրագրի առաջնահերթությունը Լեռնային Ղարաբաղի դեմ վերջին ագրեսիայի հետևանքով տեղահանված ու տուժած կարիքավոր մարդիկ են:
Ծրագրի նպատակային միջոցառումներն ուղղված են եկամտի և զբաղվածության ստեղծման նախաձեռնություններին, այդ թվում՝ սոցիալական և տնտեսական կյանքին՝ պատերազմի վետերանների, հաշմանդամների և խոցելի խմբերի վերականգնմանը և ինտեգրմանը:
