18.05.2024 | 22:23
Աշխաբադում բացվել է Սայաթ-Նովայի արձանը
Ռուսաստանը եղել է, կա և լինելու է Հայաստանի և հայ ժողովրդի հետ և՛ դժբախտության, և՛ ուրախության պահերին. Սերգեյ Կոպիրկին
Քաղաքականություն
12.06.2021 | 15:01
Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինը ուղերձ է հղել պետական տոնի՝ Ռուսաստանի օրվա առթիվ:
«Ռուսաստանի արտաքին քաղաքական կոորդինատների համակարգում մեր մերձավոր գործընկերների, դաշնակիցների հետ հարաբերությունները, անշուշտ, առաջնահերթություն են:
Եղբայրական Հայաստանի հետ կապերը առանձնահատուկ տեղ են զբաղեցնում, ինչն ամբողջապես դրսևորվում է հայ ժողովրդի համար ոչ դյուրին այս ժամանակահատվածում:
«Ընկերները փորձանքի մեջ են ճանաչվում»՝ ասվում է ռուսական ասացվածքում: Հայտնի է, թե ինչ ջանքեր և ռեսուրսներ է ուղղել և շարունակում է ուղղել Ռուսաստանը Լեռնային Ղարաբաղում ռազմական գործողությունները նախ՝ դադարեցնելու և ապա՝ հետպատերազմյան վերականգնում ապահովելու, խաղաղությունը պահպանելու, էսկալացիա թույլ չտալու համար:
Ռուսական խաղաղապահ զորակազմը և ԼՂ-ում հումանիտար արձագանքման միջպետական կենտրոնը, մեր սահմանապահները Սյունիքի մարզի հայ-ադրբեջանական սահմանի խնդրահարույց հատվածներում օգնում են հաղթահարել պատերազմի ողբերգական հետևանքները, այդ թվում՝ ռազմագերիների և պահվող անձանց խնդիրը, ինչպես նաև հայ քաղաքացիների սրտերում խաղաղության, հանգստության և զարգացման հույս են ներշնչում: Ռուսաստանը եղել է, կա և լինելու է Հայաստանի և հայ ժողովրդի հետ և՛ դժբախտության, և՛ ուրախության պահերին»,- մասնավորապես ասված է Կոպիրկինի ուղերձում:
