18.12.2025 | 23:24
ՀՀ տարածքում ավտոճանապարհները հիմնականում անցանելի են
Սևանա լճում իրականացված ջրի նմուշառումների ու հետազոտությունների արդյունքները մտահոգիչ են. Հիդրոօդերևութաբանության և մոնիթորինգի կենտրոն
Տնտեսություն
11.06.2021 | 14:13
Հիդրոօդերևութաբանության և մոնիթորինգի կենտրոնը հայտարարություն է տարածել, որում ասվում է, որ վերջին օրերին Սևանա լճում իրականացված ջրի նմուշառումների ու հետազոտությունների արդյունքները մտահոգիչ են:
«Վերջին օրերին հերթական անգամ Սևանա լճում իրականացվեցին ջրի նմուշառումներ և հետազոտություններ:
❗️ Արդյունքները մտահոգիչ են:
🔳 Լճի ծաղկման պրոցեսը սկսվել է, ինչի հետևանքով թափանցիկության արժեքը դիտվել է շատ ցածր՝ 2-2.7 մ տիրույթում:
🔳 Մեծ Սևանում առկա է ավելի մուգ գունավորում՝ նույնիսկ ափամերձ շերտերում կանաչ գույնն արտահայտվում է փրփուրի ձևով:
🔳 Լուծված թթվածնի կոնցենտրացիան դիտվել է 4.8-9.6 մգ/լ տիրույթում (նվազագույն արժեքը դիտվել է Փոքր Սևանի 30մ խորության շերտում):
🔳 Ջրի ջերմաստիճանը Փոքր Սևանի 60մ խորության շերտում 3.8 աստիճան է, իսկ Մեծ Սևանի 30մ խորության շերտում՝ 5.5 աստիճան:
☑️ Սևանա լճի ջրի որակի արդյունքները կհրապարակվեն պատրաստ լինելուն պես»:
