07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Ձեզնից ամենաշատն եմ դժգոհ. Բագրատ Ասատրյանը՝ «Իմ քայլի» պատգամավորին. ՏԵՍԱՆՅՈՒԹ
Տնտեսություն
11.06.2021 | 13:31
«Մեր հասարակությունը խոր նահանջ է ապրում կրթության առումով: Մեզ կիրթ մարդ է պետք, բայց այսօր դպրոցից մինչև համալսարաններ խայտառակ վիճակ է: Այս մասին այսօր հրավիրած ասուլիսում ասաց տնտեսագետ Բագրատ Ասատրյանը։
«Ձեզանից ամենաշատն եմ դժգոհ, որովհետև այս իշխանությունը նոր մշակույթ մտցրեց»,- դիմելով «Իմ քայլը» խմբակցության պատգամավոր Բաբկեն Թունյանին՝ նշեց Ասատրյանը:- Նկատելի է անտարբեր, անորոշ վերաբերմունք ծրագրային փաստաթղթերի նկատմամբ, և ունիկալ հատկություն՝ վճիռ չկայացնելու, ձգձգելու: Այս իշխանությունների գալուց հետո տարեցտարի ծրագրային ցուցանիշները նվազում են մեծ խոստումների ներքո»:
«Ես քաղաքական գործընթացների մասնակից եմ եղել, սրանք ամենախայտառակ ընտրություններն են մեր պատմության մեջ։ Ես երբեք թույլ չեմ տա, որ մոռանան 2008 թվականը, երբ դրեցին մեր քաղաքացիներին գնդակահարեցին։ Այսօր, ինչ կատարվում է, բոլոր իրավիճակներում թիվ մեկ պատասխանատուն իշխանությունն է։ Եվ այսօր էլ ուշ չէ այդ տոնը փոխել, մարդկանց տրամադրել, որ մենք բոլորս ՀՀ քաղաքացի ենք, որ այդ ընտրապայքարն անում ենք հանուն Հայաստանի։ Որևէ մեկը դրա մասին չի խոսում իշխողներից։ Այսպես մենք կունենանք շատ ավելի վատ Հայաստան, քան ունեցել ենք։
Վտանգված է Հայաստանը, բոլորս հասկանում ենք։ Այն ծրագրերը, որոնք մեր ոչ բարեկամները, անգամ բարեկամները ունեն, շատ են տարբերվում այն ցանկություններից, որոնք մենք ունենք։
Ես համոզված եմ ասում, որ Ադրբեջանի այս ղեկավարն իր իշխանությունը պահելու համար պետք է ոտնձգություն անի Հայաստանի սուվերեն տարածքի նկատմամբ, պետք է մտնի ու ցույց տա իր ժողովրդին: Եվ սա շատ լուրջ վտանգ է, որը պարտադրում է մեր բոլոր կարողությունները, գիտելիքները, ծրագրերը ի մի բերել»,- ասաց Բագրատյանը՝ ընդգծելով, որ պետք է համախմբվել:
Մանրամասները՝ տեսանյութում:
