07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Երկրում ով էլ լինի իշխանության, բիզնեսի առումով ախորժակը պետք է մոդերացնի. «Հայաստան» դաշինքի անդամ. ՏԵՍԱՆՅՈՒԹ
Տնտեսություն
11.06.2021 | 12:46
Հայաստանի տնտեսությունը 2020 թ. երկու ցնցումներից՝ կորոնավիրուսի համավարակից և 44-օրյա պատերազմից հետո, սկսել է «շունչ քաշել», սակայն ամբողջությամբ վերականգնվելուց դեռ շատ հեռու է: Դատելով պատերազմի հետևանքներից, անվտանգության խորքային խնդիրներից ու այս հանգամանքներով պայմանավորված քաղաքական անկայունությունից՝ տնտեսության վերականգնման ճանապարհը հեշտ չի լինելու:
Արտահերթ ընտրություններում հաղթելու հայտ ներկայացրած քաղաքական ուժերը ներքին ու արտաքին անկայունության պայմաններում տնտեսության վերականգնման ծրագրային տարբեր առաջարկներ են ներկայացրել:
«Որոշ անհաջողությունների պատճառը իմպլեմենտացիան է. շատ հաճախ ունենում ենք լավ ծրագրեր, բայց դրանք իրականացնելու համար անհրաժեշտ են վճռական որոշումներ, լրացուցիչ ռեսուրսներ»- այս մասին «Ինչպե՞ս վերականգնել տնտեսությունն անկայունության պայմաններում. քաղաքական ուժերի ծրագրային առաջարկները» թեմայով քննարկման ժամանակ նշեց «Հայաստան» դաշինքի ներկայացուցիչ Ալեքսանդր Խաչատուրյանը:
Նա ներկայացրեց «Հայաստան» դաշինքի նախընտրական ծրագրի տնտեսական բաղադրիչները, որդեգրած սկզբունքները՝ հավելելով, որ դեռևս սպառիչ գործողությունների ցանկը չկա, փորձագետների հետ քննարկումներ են ընթանում իրենց ծրագրերի վերաբերյալ:
«Երկրում ով էլ լինի իշխանության, բիզնեսի առումով ախորժակը պետք է մոդերացնի»,- ընդգծեց «Հայաստան» դաշինքի անդամը:
Մանրամասները՝ տեսանյութում:
