09.06.2026 | 10:20
Կանադայի վարչապետը շնորհավորել է Նիկոլ Փաշինյանին ընտրություններում հաղթանակի առիթով
Մակրոնը պատրաստվում է Էրդողանի հետ քննարկել Լեռնային Ղարաբաղի հարցը
Քաղաքականություն
11.06.2021 | 12:09
Ֆրանսիայի նախագահ Էմանուել Մակրոնը հայտարարել է, որ չնայած Թայիփ Էրդողանի հետ առկա տարակարծություններին՝ երկու երկրների ղեկավարները պետք է շարունակեն կապ պահպանել։ Մակրոնը նաև հայտնել է, որ պատրաստվում է Էրդողանի հետ քննարկել Լեռնային Ղարաբաղի հարցը, գրում է թուրքական «Անադոլու»-ն։
«Չնայած կան տարակարծություններ, մենք պետք է խոսենք միմյանց հետ ու շարունակենք երկխոսությունը»,- ասել է Մակրոնը Ելիսեյան պալատում մամլո ասուլիսի ժամանակ։
Ֆրանսիայի ղեկավարը հայտնել է, որ կցանկանար հանդիպել Էրդողանի հետ Բրյուսելում կայանալիք ՆԱՏՕ-ի գագաթնաժողովի ժամանակ։
«Ցանկանում եմ խոսել Սիրիայում, Լիբիայում, Լեռնային Ղարաբաղում և Հայաստանի ու Ադրբեջանի միջև հարաբերությունների մասին»,- հայտարարել է Մակրոնը։
Նա նշել է, որ պատրաստվում է Թուրքիայի նախագահի հետ կարծիքներ փոխանակել Ֆրանսիայում «արմատական իսլամիզմի» դեմ պայքարին, ՆԱՏՕ-ի գործունեությանը, ինչպես նաև Սիրիայում, Լիբիայում ու Լեռնային Ղարաբաղում իրավիճակներին առնչվող հարցեր։
Մակրոնն ընդգծել է, որ մտադիր է Թուրքիայի նախագահին տեղեկացնել, որ Ֆրանսիայում «արմատական իսլամիզմի» դեմ պայքարը ոչ մի կերպ ուղղված չէ իսլամին՝ հավելելով, որ պատրաստվում է Էրդողանի հետ քննարկել «հնարավոր համագործակցության ոլորտները»։
Տաթև Ֆռանգյան
