15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Նավալնիի հակակոռուպցիոն հիմնադրամի գործունեության արգելումը Պուտինի հստակ ազդակն է` ուղղված Բայդենին․ NYT
Քաղաքականություն
10.06.2021 | 12:04
Ընդդիմադիր գործիչ Ալեքսեյ Նավալնիի կազմակերպության գործունեության արգելումը Պուտինի հստակ ազդակն է՝ ուղղված Բայդենին։ Այսպիսի վերնագրով հոդված է հրապարակել New York Times-ը։
«Ժնևի գագաթնաժողովից մեկ շաբաթ առաջ արված այս քայլը, ամենայն հավանականությամբ, կդրդի ռուս ընդդիմադիրներին անցնել ընդհատակ և որպես ազդանշան կծառայի այն մասին, որ ՌԴ ներքին գործերը ենթակա չեն քննարկման»,- գրում է պարբերականը։
Պուտինի ու Բայդենի բանակցությունները կդառնան նրանց առաջին դեմ առ դեմ հանդիպումը Սպիտակ տան նոր ղեկավարի պաշտոնը ստանձնելուց ի վեր: Վլադիմիր Պուտինն արդեն հասկացրել է, որ մերժելու է Նավալնիի գործով Կրեմլի գործողությունների ցանկացած քննադատություն՝ ասելով, որ ԱՄՆ-ն իրավունք չունի իր կարծիքը պարտադրել այլ երկրներին:
New York Times-ի լրագրողների կարծիքով՝ Նավալնիի Կոռուպցիայի դեմ պայքարի հիմնադրամը ծայրահեղական կազմակերպություն ճանաչելու որոշումը Բայդենի համար բարձրացրեց խաղադրույքը Ժնևյան գագաթնաժողովի համար, որը խոստացել էր Պուտինի կողմից միջազգային իրավունքի ոտնահարումներին հակահարված տալ։
ՌԴ նախագահը հստակ հասկացրեց, որ չնայած պատրաստ է Բայդենի հետ քննարկել կիբերտարածքն ու աշխարհաքաղաքականությունը, սակայն մտադիր չէ բանակցել այն մասին՝ արդյո՞ք ճիշտ է կառավարում իր երկիրը։ Հրատարակչությունը եզրափակում է, որ հարցը նրանում է՝ արդյո՞ք ԱՄՆ նախագահ Ջո Բայդենը պատրաստ է ընդունել այս պայմանները։
