24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Պսակին գնահատել է Բայդենի խոսքերի ազդեցությունը Պուտինի մասին՝ երկու նախագահների հանդիպմանն ընդառաջ
Քաղաքականություն
10.06.2021 | 10:10
Սպիտակ տան պաշտոնական ներկայացուցիչ Ջեն Փսակին ասել է, որ ԱՄՆ նախագահ Ջո Բայդենը անկեղծ կլինի Ռուսաստանի առաջնորդ Վլադիմիր Պուտինի հետ առաջիկա հանդիպման ժամանակ: Ճեպազրույցի սղագրությունը տարածել է Սպիտակ տան մամուլի ծառայությունը. հայտնում է ՌԻԱ Նովոստին:
ԱՄՆ նախագահի աշխատակազմի մամուլի քարտուղարը պատասխանել է լրագրողների այն հարցին, թե երկու երկրների նախագահների հանդիպումը արդյոք «անհարմար» չի՞ լինի Բայդենի սկանդալային հարցազրույցից հետո:
Ավելի վաղ ամերիկացի առաջնորդը դրական էր պատասխանել այն հարցին, թե արդյոք նա Պուտինին համարում է «մարդասպան»: Նա նաև սպառնացել էր Մոսկվային ԱՄՆ ընտրություններին խառնվելու համար: Ի պատասխան ՝ Ռուսաստանի նախագահը քաջառողջություն է մաղթել իր ամերիկացի գործընկերոջը:
«Նախագահը (Ջո Բայդենը – խմբ.) երկար ժամանակ է, ինչ ճանաչում է նախագահին (Վլադիմիր Պուտինին – խմբ.): Նա երբեք հետ չի վարանել արտահայտելու իր մտահոգությունները, երբ նրանց (Ռուսաստան. – խմբ.) վարքագիծը չի համապատասխանել ժողովրդավարական արժեքներին: Եվ նա, անկասկած, անկեղծ կլինի այս և առաջիկա հանդիպումներին»,- ասել է Պսակին:
Պսակին միաժամանակ շեշտել է, որ խոսքը բարեկամության ու վստահության մասին չէ:
