Քաղաքականություն
09.06.2021 | 22:57
Թուրքիայի նախագահ Ռեջեփ Թայիփ Էրդողանը հայտարարել է, որ հունիսի 15-ին իր ադրբեջանցի գործընկերոջ Իլհամ Ալիևի հետ բանակցություններ է անցկացնելու Լեռնային Ղարաբաղում։
«Բրյուսելում մեր ծրագրի ավարտից հետո կլինենք իմ եղբոր՝ Իլհամ Ալիևի հյուրը Բաքվում»,- ասել է Էրդողանը Անկարայում իշխող «Արդարություն և զարգացում» կուսակցության խորհրդարանական խմբակցության նիստում ունեցած ելույթում։
«Երեքշաբթի՝ հունիսի 15-ին, մենք կայցելենք Շուշի։ Ընտանեկան այց կկատարենք Շուշի, կանցկացնենք պաշտոնական հանդիպումներ և կայցելենք տարբեր վայրեր։ Եղբայրական ու բարեկամական Ադրբեջանի «օկուպացված» տարածքների ազատագրումը մեր երկրի աջակցությամբ հնարավորություն է՝ նոր փուլի դռներ բացելու տարածաշրջանի բոլոր կողմերի, այդ թվում՝ Հայաստանի համար»,- ասել է Էրդողանը։
Թուրքիայի նախագահի այցն Ադրբեջան նախատեսված է հունիսի 14-16-ը, որի շրջանակում Էրդողանն Ալիևի հետ հունիսի 16-ին ներկա է գտնվելու նաև ֆուտբոլի 2020 թվականի Եվրոպայի առաջնության՝ Թուրքիայի և Ուելսի հավաքականների հանդիպմանը։
Էմմա Չոբանյան
