01.04.2026 | 12:28
Իսրայելում իրանական հրթիռային հարձակման հետևանքով 14 մարդ է վիրավորվել
ԱՀԿ-ն հայտնել է կորոնավիրուսով վարակման դեպքերի 15%-ով նվազման մասին
Քաղաքականություն
09.06.2021 | 22:40
Առողջապահության համաշխարհային կազմակերպության (ԱՀԿ) տվյալների համաձայն՝ աշխարհի երկրներում անցած շաբաթվա ընթացքում, ընդհանուր առմամբ, հայտնաբերվել է կորոնավիրուսի 3 միլիոն նոր դեպք, ավելի քան 73 հազար մահվան դեպք է գրանցվել, գրում է DW-ի ռուսական ծառայությունը։
Այսպիսով, անցյալ շաբաթվա համեմատ՝ աշխարհում կորոնավիրուսային հիվանդությամբ վարակման թիվը նվազել է 15%-ով, իսկ մահացությունների թիվը՝ 8%-ով, նշել են ԱՀԿ-ից։
Ընդ որում, վարակի դեպքերի ամենամեծ աճը գրանցվել է Հնդկաստանում․ մեկ շաբաթում՝ ավելի քան 914 հազար դեպք։
Հավելենք, որ Worldometer-ի տվյալներով՝ SARS-CoV-2 կորոնավիրուսային ինֆեկցիայի տարածման սկզբից ի վեր երկիր մոլորակի բնակչության շրջանում կորոնավիրուս է հայտնաբերվել 175 միլիոն մարդու մոտ։ Գրեթե 3,8 միլիոն հիվանդ մահացել է, ավելի քան 158 միլիոն մարդ՝ ապաքինվել։
Տաթև Ֆռանգյան
