24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
ԱՊՀ երկրների ԶՈՒ շտաբների պետերը կքննարկեն փոխադարձ հետաքրքրություն ներկայացնող ռազմական համագործակցության մի շարք հարցեր
Քաղաքականություն
09.06.2021 | 14:51
Այսօր Սանկտ Պետերբուրգում տեղի կունենա ԱՊՀ անդամ երկրների Զինված ուժերի շտաբերի պետերի կոմիտեի նիստը: Այս մասին գրում է ՏԱՍՍ-ը՝ վկայակոչելով ՌԴ ՊՆ մամուլի ծառայությունը։
«2021 թվականի հունիսի 9-ին Սանկտ Պետերբուրգում տեղի կունենա ԱՊՀ անդամ պետությունների Զինված ուժերի շտաբերի պետերի կոմիտեի հերթական նիստը՝ Ռուսաստանի Զինված ուժերի Գլխավոր շտաբի պետի նախագահությամբ»,- ասված է հաղորդագրությունում։
Հանդիպմանը կմասնակցեն Հայաստանի, Ադրբեջանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի ռազմական պատվիրակությունները, ինչպես նաև ԱՊՀ գործադիր կոմիտեի և ԱՊՀ Պաշտպանության նախարարների խորհրդի քարտուղարության պատվիրակություններ:
Զինված ուժերի պատվիրակությունների ղեկավարները մտքեր կփոխանակեն աշխարհում զարգացող ռազմաքաղաքական իրավիճակի վերաբերյալ և կքննարկեն փոխադարձ հետաքրքրություն ներկայացնող ռազմական համագործակցության մի շարք հարցեր:
Տաթև Ֆռանգյան
