30.10.2026 | 20:18
Միրզոյանը Բահրեյնում կմասնակցի «Մանամայի երկխոսություն» անվտանգության ֆորումին
Պաշտոնապես ասում եմ՝ որդուս տալիս եմ բոլոր գերիների դիմաց. Նիկոլ Փաշինյան. ՏԵՍԱՆՅՈՒԹ
Քաղաքականություն
08.06.2021 | 18:58
«Սերժ Սարգսյանն ասում է՝ թող իրա որդուն տա, գերիներին վերցնի, որդուս մասին էլ խոսելիս՝ ասում է՝ Աշոտիկը։ Սերժի՛կ, դու իմ զինվոր որդուն Աշոտիկ ասելու իրավունք չունես, ա՛յ տղա։ Դու Միշիկի հետ ե՞ս շփոթում, թե՞ ում հետ ես շփոթում, Սերժիկ՛: Քեզ որպես պաշտոնական սուտինյոր և թրաֆիքինգի մասնագետ՝ ասում եմ՝ համաձայն եմ։ Ալիևին էլ պաշտոնապես ասում եմ՝ որդուս տալիս եմ բոլոր գերիների դիմաց»,- այս մասին այսօր ապարանցիների հետ հանդիպման ժամանակ ասաց վարչապետի պաշտոնակատար Նիկոլ Փաշինյանը՝ պատասխանելով ՀՀ երրորդ նախագահ Սերժ Սարգսյանի այսօրվա ելույթին։
Նա նշեց, որ դիմում է Ալիևին, Կարմիր խաչին և Սերժ Սարգսյանին ու Ռոբերտ Քոչարյանին լիազորում է պաշտոնապես բանակցել այդ թեմայով։
«Որ էդ բառապաշարն եք օգտագործում, ենթադրում եմ, որ գերիներ առնել-ծախելու մեծ փորձ ունեք, տալիս եմ որդուս՝ բոլոր գերիների դիմաց… Հանկարծ չմտածեք, թե էմոցիոնալ բան եմ ասում, ասում եմ պաշտոնապես, գնացե՛ք, բանակցե՛ք, ա՛յ սուտինյորներ»,- ասաց Փաշինյանը՝ նշելով, որ սպասում է Սարգսյանի և Քոչարյանի պատասխանին:
Հիշեցնենք, որ ՀՀ երրորդ նախագահն այսօր անդրադարձել էր Փաշինյանի՝ «գերիները մեզ կներեն մի ամիս, երկու ամիս ավել Բաքվի բանտում գերության մեջ մնալու համար» երեկվա հայտարարությանը և նշել էր․ «Թող իր Աշոտիկին տանի տա, տեղը 20-25 ռազմագերի բերի, դրանից հետո ամեն օր կզբաղվի գերիների հարցով»։
Մանրամասները՝ տեսանյութում:
