16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մեկի պատճառով մի ամբողջ ժողովուրդ չպետք է տուժի․ Գագիկ Ծառուկյանի ելույթը՝ Գավառում. ՏԵՍԱՆՅՈՒԹ
Քաղաքականություն
08.06.2021 | 18:27
Մենք պրոբլեմներ շատ ունենք, բայց դրանք բոլորը լուծելի են: Այս մասին այսօր՝ հունիսի 8-ին, Գավառում քարոզարշավի ժամանակ իր խոսքում ասաց «Բարգավաճ Հայաստան» կուսակցության նախագահ Գագիկ Ծառուկյանը։
«Բոլոր ոլորտներին պետք է ուշադրություն դարձնել, քայլ կատարել: Մեկի պատճառով մի ամբողջ ժողովուրդ չպետք է տուժի…
Հիմնական մեղավորը ժողովուրդն է. ամեն մեկը պետք է մեղավոր ճանաչի իրեն, ոչ թե ուրիշի վրա մեղադրանքը գցի։ Ձեզ շատ առաջարկներ են անում, որոշողը դուք եք, որևիցե մեկի խոսքին մի՛ խաբվեք»,-ընդգծեց ԲՀԿ ղեկավարը:
«Ես ասում եմ այն, ինչ կարող ենք անել։ Ձեր ցավը տանեմ, կտաք, չեք տա, Ծառուկյանը դրանից վատ չի զգում, Ծառուկյանը լավ է զգում, որ իր հնարավորությունը, իր կապերը ուզում է օգտագործել ի օգուտ իր ժողովրդի, իր պետության։ Դուք պետք է լավ լինեք, հզոր լինեք, բարեկեցիկ լինեք, որ իմ երեխեքը երջանիկ լինեն։ Եթե դուք լավ չեղաք, իմ երեխան լավ չի կարող լինել։ Մի ծաղիկով գարուն չի՛ գա, ժողովո՛ւրդ։ Այսօր պետք է ընդհանուր լինի, մարդկանց հնարավորություն տրվի, մարդիկ պետք է դատարկ-դատարկ չխոսեն, ամեն մարդ պետք է պատասխան տա իր արածի ու չարածի համար»,- նշեց Ծառուկյանը:
Մանրամասները՝ տեսանյութում:
