25.09.2026 | 11:29
Հիանալի բարեկամություն, արդար մրցակցություն, ԱԲ-ի վերահսկողություն. Սի Ցզինպինի ու Թրամփի հանդիպման առանցքային կետերի հետքերով
Բայդենն ու Էրդողանը քննարկելու են ԼՂ հակամարտության հարցը
Քաղաքականություն
08.06.2021 | 10:32
ԱՄՆ նախագահ Ջո Բայդենը հաջորդ շաբաթ Բրյուսելում կայանալիք ՆԱՏՕ-ի գագաթնաժողովի շրջանակներում հանդիպելու է իր թուրք գործընկեր Ռեջեփ Թայիփ Էրդողանին `քննարկելու Լեռնային Ղարաբաղի, Սիրիայի, Աֆղանստանի, Իրանի և այլ խնդիրներին առնչվող հարցեր: Այս մասին լրագրողներին ասել է Սպիտակ տան ազգային անվտանգության հարցերով խորհրդական Ջեյք Սալիվանը:
Նրանք նաև կքննարկեն այն «զգալի տարբերությունները», որոնք կան Վաշինգտոնի և Անկարայի միջև:
«Բացի այդ, հանդիպման ժամանակ, որը նախատեսվում է անցկացնել հունիսի 14-ին՝ Բրյուսելում ՆԱՏՕ-ի գագաթնաժողովի շրջանակներում, կվերանայվեն նաև կապերը և ուղիներ կփնտրեն մարդու իրավունքների և այլ հարցերի շուրջ ԱՄՆ-ի և Թուրքիայի միջև առկա զգալի տարբերությունները հաղթահարելու համար», – ասել է Սալիվանը:
«Նախագահ Բայդենը շատ լավ է ճանաչում Էրդողանին, այս երկու տղամարդիկ միասին բավականին ժամանակ են անցկացրել, և նրանք երկուսն էլ, կարծում եմ, անհամբերությամբ են սպասում հնարավորությանը, որպեսզի իսկապես հնարավորություն ունենան վերանայելու իրենց ողջ հարաբերությունները»,- ասել է Սալիվանը։
Տաթև Ֆռանգյան
