08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Վլադիմիր Պուտինը ստորագրել է Բաց երկնքի պայմանագրից դուրս գալու մասին օրենքը
Քաղաքականություն
07.06.2021 | 16:00
Ռուսաստանի նախագահ Վլադիմիր Պուտինը հունիսի 7-ին ստորագրել է Բաց երկնքի պայմանագրից դուրս գալու մասին օրենքը։ Փաստաթուղթը հրապարակված է իրավական տեղեկատվության մասին պորտալում։
Նշենք, որ Պուտինը հայտարարել էր պայմանագրից դուրս գալու մասին ԱՄՆ նախագահ Ջո Բայդենի հետ հանդիպումից շաբաթներ առաջ։ Մայիսի 19-ին օրենքն ընդունվել է ՌԴ Պետդումայի կողմից։
Հիշեցնենք՝ անցյալ տարվա նոյեմբերի 22-ին Բաց երկնքի պայմանագրից դուրս գալու մասին հայտարարել էր ԱՄՆ-ը։ Պատճառը դարձել էր այն, որ Ռուսաստանը չի իրականացրել իր պարտականությունները։
Բաց երկնքի պայմանագիրն ստորագրվել էր 1992 թվականին ԵԱՀԿ անդամ 23 երկրների միջև։ Այսօրվա դրությամբ փաստաթղթին մասնակից պետությունների թիվը հասել էր 34-ի՝ այդ թվում նաև ԱՄՆ և Ռուսաստանը։ Համաձայնագրի շրջանակներում կողմերը կարող են դիտորդական թռիչքներ իրականացնել միմյանց տարածքներում, ինչպես նաև ֆոտո և տեսանկարահանում իրականացնել։
Տաթև Ֆռանգյան
