30.06.2026 | 13:43
Այսօրվանից Ռուսաստան մեկնելիս RuID համակարգում գրանցվելը պարտադիր է. ՌԴ միգրացիոն լաբիրինթոսի ուղեցույց՝ օտարերկրացիների համար
Պակիստանում ուղևորատար 2 գնացք է բախվել․ կա 30 զոհ, 50 վիրավոր
Քաղաքականություն
07.06.2021 | 13:17
Պակիստանի հարավ-արևելքում բախվել է ուղևորատար 2 գնացք, առնվազն 30 մարդ զոհվել է։ Կան տասնյակ տուժածներ, գրում է BBC-ի ռուսական ծառայությունը։
Տեղի իշխանությունները հայտնել են, որ Սինդ նահանգում Կարաչիից ուղևորվող գնացքը դուրս է եկել ռելսերից ու հայտնվել է այլ ճանապարհի վրա։ Երկրորդ գնացքը, որը ընթացել է Ռավալպինդից ու լիքն է եղել ուղևորներով, բախվել է նրա հետ ու շուռ եկել։
Ութ վագոն ավիրվել է, ինչը դժվարացնում է արգելափակված ուղևորներին հասնելիությունը: Հաղորդվում է, որ ընդհանուր առմամբ շրջվել է 14 վագոն։
Իշխանությունները հայտնում են, որ առնվազն 30 մարդ զոհվել է, ևս 50-ը՝ վիրավորվել։
Bloomberg գործակալությունը, հղում անելով տեղի իշխանություններին, գրում է, որ զոհերի թիվը հասնում է 35-ի:
Փրկարարները տուժածներին տեղափոխել են մոտակա հիվանդանոցներ: Նրանցից ոմանք գտնվում են ծանր վիճակում:
Փրկարարները փորձում են հասնել այն վագոնին, որում ենթադրաբար արգելափակված է 25 մարդ:
Վերջին տարիներին Պակիստանում տեղի են ունեցել մի քանի երկաթուղային վթարներ:
Տաթև Ֆռանգյան
