07.02.2026 | 13:45
Երևանում փոշու պարունակությունը գերազանցել է սահմանային թույլատրելի կոնցենտրացիան
Նիկոլ Փաշինյանը շնորհավորական ուղերձ է հղել Դանիայի ազգային տոնի առթիվ
Քաղաքականություն
05.06.2021 | 19:41
Վարչապետի պաշտոնակատար Նիկոլ Փաշինյանը շնորհավորական ուղերձ է հղել Դանիայի Թագավորության վարչապետ Մետտե Ֆրեդերիկսենին Դանիայի Թագավորության ազգային տոնի՝ Սահմանադրության օրվա կապակցությամբ:
«Ջերմորեն շնորհավորում և բարեմաղթանքներ եմ հղում Ձեզ և Դանիայի բարեկամ ժողովրդին Դանիայի Թագավորության ազգային տոնի՝ Սահմանադրության օրվա կապակցությամբ։
Հայաստանը կարևորում է Դանիայի հետ բարեկամական կապերի շարունակական ամրապնդումն ու զարգացումը։ Լիահույս եմ, որ կառուցողական երկխոսության միջոցով մեզ կհաջողվի ընդլայնել հայ-դանիական հարաբերությունների օրակարգը՝ բարձրացնելով մեր երկու երկրների միջև առկա համագործակցությունը որակական նոր մակարդակի։
Մաղթում եմ Ձերդ Գերազանցությանը քաջառողջություն և ամենայն բարիք, իսկ Դանիայի բարեկամ ժողովրդին՝ առաջընթաց և բարօրություն»,- ասված է ուղերձում։
