02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Սահմանին՝ լարվածություն, Երևանում՝ գինու օրեր․ Սարյան փողոցը մասնակի փակ է․ ՏԵՍԱՆՅՈՒԹ
Հասարակություն
04.06.2021 | 18:13
Երևանում արդեն 5-րդ անգամ անցկացվում են գինու օրեր։ Բայց այս անգամ փառատոնն անցնում է աննախադեպ իրավիճակի պայմաններում՝ հետպատերազմական զարգացումներ, գերիների խնդիր, Հայաստանի սահմանին լարվածություն:
Առավոտից մայրաքաղաքի Սարյան-Մոսկովյան փողոցների՝ Պուշկինից մինչև Սպենդիարյան խաչմերուկն ընկած հատվածը և Թումանյան փողոցը մինչև Փարպեցի խաչմերուկ փակ է երթևեկության համար, հարակից փողոցները՝ խցանված են։
Արդյո՞ք այս օրերին տեղին էր նման միջոցառման կազմակերպումը․ կազմակերպիչներն այս հարցին իրենց պատասխանն ունեն։ Ըստ նրանց՝ փառատոնին մասնակցելու է 3 բարեգործական ընկերություն, որոնց արտադրանքի վաճառքից ստացված եկամուտն ուղղվելու է պատերազմից տուժած զինվորների և զոհվածների կանանց աջակցությանը։
Տնտեսության վերականգնմանն ուղղված գործի՞ք, թե՞ հետպատերազմական իրավիճակին ու տրամադրություններին ոչ հարիր փառատոն։ Քաղաքացիների կարծիքները տարբեր են։
Ի դեպ՝ փառատոնը մեկնարկում է ժամը 16:00-ին, այն տևելու է երկու օր։ Փողոցում տեղադրված 2 բեմերից երաժշտություն կհնչի։
Մանրամասները՝ տեսանյութում։
Իրինա Մկրտչյան
