10.10.2026 | 12:57
Նավթի գներն աճել են
Վարդգես Գասպարիին փորձել են թույլ չտալ մտնել ԱԺ՝ մասնակցելու «Մարտի 1»-ի վերաբերյալ լսումներին
Քաղաքականություն
23.02.2018 | 11:46
Ազգային ժողովում մոտ 20 րոպե ուշացումով մեկնարկել է «2008 թվականի մարտի 1-2-ի իրադարձությունների վերաբերյալ» ԱԺ հայտարարության նախագծի վերաբերյալ ՀՀ ԱԺ «Ելք» խմբակցության նախաձեռնած խորհրդարանական լսումները։
Մինչ լսումների մեկնարկը ԱԺ «Ելք» խմբակցության ղեկավար Նիկոլ Փաշինյանը հայտարարեց՝ ԱԺ անցակետում փորձել են թույլ չտալ, որ քաղաքացիական ակտիվիստ Վարդգես Գասպարին մտնի խորհրդարան։
«Առանց պատճառաբանության Վարդգես Գասպարիին հրաժարվում էին ներս թողնել, ես դիմել եմ Ազգային ժողովի նախագահին, ասել, որ դա մեզ համար անհանդուրժելի է, խմբակցությունն անցագիր է տվել, իսկ ինչ-որ ծառայություն որոշում է նրան ներս չթողնել»,- նշեց Փաշինյանը։
Նկատենք, որ ի վերջո Վարդգես Գասպարիին հաջողվել է մտնել խորհրդարան:
