09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
2018-ից հետո քաղհասարակության դեմ ապատեղեկատվությունը ներառում է նաև ատելության խոսք, սպառնալիքներ․ Աննա Փամբուխչյան․ ՏԵՍԱՆՅՈՒԹ
Հասարակություն
03.06.2021 | 18:50
Քաղհասարակության դեմ ապատեղեկատվությունը Հայաստանում նորություն չէ, սակայն հստակ տարբերություն կա նախահեղափոխական շրջանի և հետ հեղափոխական շրջանի միջև: Այսօր առցանց քննարկման ժամանակ ասաց անկախ հետազոտող Աննա Փամբուխչյանը:
Նա իր այլ գործընկերների հետ Freedom House իրավապաշտպան հասարակական կազմակերպության աջակցությամբ իրականացրել է հետազոտություն՝ նվիրված ապատեղեկատվությանն ու կեղծ պատմույթներին։ Հետազոտությունը բաղկացած է 4 գլուխներից՝ Կորոնավիրուսի համաճարակ, Լեռնային Ղարաբաղի երկրորդ պատերազմ, Ժողովրդավարություն ու սոցիալ-մշակութային հարցեր:
Փամբուխչյանի խոսքով՝ ընտանեկան բռնությունների դեմ պայքարող ՀԿ-ների գործունեությունը որակվում է որպես հայկական ավանդական ընտանիքի արժեքների դեմ պայքարող կազմակերպություններ. «Նախկինում նման ապատեղեկատվական արշավների համար անհարժեշտ էին շարժիչ պատճառներ, ի սկզբանե ինչ-որ խնդիրներ պետք է լինեին, և երբ քաղհասարակությունը հանդես էր գալիս որոշակի առաջարկությամբ, ի պատասխան, որոշ լրատվամիջոցներ, որոնք կապվում են նախկին իշխանությունների հետ, հանդես էին գալիս քաղհասարակության դեմ:
2018-ից ի վեր քաղհասարակության դեմ ապատեղեկատվությունը կրում է շարունակական բնույթ, պարբերաբար իր մեջ ներառում է ատելության խոսք, սպառնալիքներ: Դատական համակարգը որևէ կերպ չի պաշտպանում քաղհասարակության ներկայացուցիչներին»:
Աննա Փամբուխչյանը նշեց, որ մինչև 2020 թվականի սեպտեմբերի պատերազմը քաղհասարակությունը հիմնականում ներկայացվում էր որպես Արևմուտքի ագենտներ, որոնք բացառապես աշխատում են Արևմուտքի համար, 2020-ից հետո տեսնում ենք, որոշակի փոփոխություն. «Քաղհասարկությունը ներկայցվում է որպես թշնամու ագենտ, Թուրքիայի համար աշխատող ուժեր: Այս պնդումները բացարձակապես որևէ հիմք չունեն»:
Փամբուխչյանն անդրադարձավ նաև «սորոսական» տերմինին:
Մանրամասները՝ տեսանյութում:
