17.04.2026 | 22:07
Հայաստանի մի շարք հասցեներում էլեկտրաէներգիայի անջատումներ կլինեն
Գիշերը հրավառություն են կազմակերպում, չեն բացահայտվում․ 1-2 դեպքում որ պատժեք՝ այլևս չի լինի․ Թունյան. ՏԵՍԱՆՅՈՒԹ
Հասարակություն
03.06.2021 | 14:07
ԱԺ_ումքննարկվում է «Տեխնիկական անվտանգության ապահովման պետական կարգավորման մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը:
Նախագծով նախատեսվում է Հայաստանում որոշակի դասի հրատեխնիկական արտադրանքի կիրառմամբ հրավառությունների կազմակերպումը թույլատրել միայն տոն օրերին կամ կառավարության թույլտվությամբ, իսկ այլ դասի հրատեխնիկական արտադրանքի վաճառքի համար սահմանել կանոններ:
«Իմ քայլի» պատգամավոր, տնտեսական հարցերի մշտական հանձնաժողովի անդամ Բաբկեն Թունյանը նշեց, որ հանձնաժողովը երեկ բացասական եզրակացություն է տվել նախագծին, քանի որ առաջարկվող կարգավորումներն ամբողջությամբ չեն լուծում ուշ ժամերին իրականացվող հրավառությունների խնդիրը:
«Եթե այսօր, օրինակ` գիշերը ժամը մեկին ինչ-որ մեկը հրավառություն կազմակերպի ու հնարավոր լինի 5 րոպեում պարզել` ով ու որտեղ է դա կազմակերպել և համապատասխան միջոցներ կիրառել, մենք դա չենք կարողանում անել, այլ ասում ենք` եկեք ընդհանրապես արգելենք»,– ասաց Թունյանը` հավելելով, որ օրենքի ընդունումից հետո էլ ինչ-որ մեկը կարող է գիշերը ժամը մեկին հրավառություն կազմակերպել, ու նորից կմնա չբացահայտված, բայց 1-2 դեպքում որ պատժվեն, այլևս չի լինի:
Թունյանը նաև շեշտեց, որ օրինագիծը խորհրդարան է ուղարկվել արտահերթ նիստի օրակարգով, բայց իրենք դրա ընդունման հրատապությունը չեն հասկանում։ Արդյունքում շտապողականության մեջ տուժել է օրենքը։
Մանրամասները՝ տեսանյութում:
