19.05.2026 | 18:27
«Իշխանական պատվեր է». Նարեկ Կարապետյանը՝ ФСБ-ի և Սամվել Կարապետյանի կապն արձանագրած հետաքննության մասին․ ՏԵՍԱՆՅՈՒԹ
Էրդողանի հայտարարությունների ֆոնին թուրքական լիրան արժեզրկման նոր հակառեկորդ է գրանցել
Քաղաքականություն
02.06.2021 | 15:40
Թուրքական լիրան այսօր արժեզրկման նոր հակառեկորդ է գրանցել այն բանից հետո, երբ նախագահ Ռեջեփ Թայիփ Էրդողանը հայտարարել է, որ խոսել է կենտրոնական բանկի կառավարչի հետ տոկոսադրույքների իջեցման անհրաժեշտության մասին, գրում է Associated press-ը:
Այսօր լիրան շուրջ 3%-ով արժեզրկվել է։
«Այսօր խոսել եմ կենտրոնական բանկի կառավարչի հետ: Անհրաժեշտ է, որ մենք իջեցնենք տոկոսադրույքները», – ասել է Էրդողանը թուրքական TRT հեռուստաալիքին տված հարցազրույցում: Որպես տոկոսադրույքների իջեցման հնարավոր թիրախային ամիսներ՝ նա նշել է հուլիսը կամ օգոստոսը:
Մարտին Էրդողանը երկու տարվա ընթացքում աշխատանքից հեռացրեց երրորդ կենտրոնական բանկի ղեկավարին և այդ պաշտոնին նշանակեց Սահապ Քավչիօղլուին, որը, ինչպես և Թուրքիայի առաջնորդը, ցածր տոկոսադրույքների կողմնակից է: Այս քայլը մտահոգություններ է առաջացրել ոչ ավանդական դրամավարկային քաղաքականությանը հնարավոր վերադարձի առնչությամբ, քանի որ երկիրը պայքարում է կայուն գնաճի դեմ:
Լրատվականը նշում է, որ, սովորաբար, ավելի բարձր տոկոսադրույքները կայունացնում են արժույթը և օգնում են պայքարել գնաճի դեմ: Սակայն Էրդողանը հակառակն է պնդում ՝ բարձր տոկոսադրույքներն ինֆլյացիայի պատճառ են դառնում։
Տաթև Ֆռանգյան
