18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ԱՀԿ-ն հայտնել է COVID-19-ի առավել վտանգավոր 4 տարատեսակների մասին
Քաղաքականություն
02.06.2021 | 18:05
ԱՀԿ մասնագետների առավել մեծ անհանգստությունն են հարուցում COVID-19-ի 4 տարատեսակները, որոնք տարածվում են մյուսներից ավելի արագ։ Այս մասին հայտարարել է ԱՀԿ արտակարգ հիվանդությունների ստորաբաժանման ղեկավար Մարիա վան Կերկխովեն, գրում է korrespondent-ը:
Նա առանձնահատուկ կերպով շեշտել է կորոնավիրուսի այն մուտացիան, որը հայտնաբերվել է Վիետնամում։ Նրա խոսքով՝ այդ տարատեսակն արդեն լավ հայտնի է ԱՀԿ մասնագետներին։ «Մենք գիտենք, որ այս տեսակը ավելի հեշտ է տարածվում մարդկանց շրջանում»,- հավելել է նա։
Վան Կերկխովեի հաղորդմամբ՝ վիրուսի շտամը, որը հայտնաբերվել է Վիետնամում, մշտապես փոփոխվում է։Կերկխովեն ենթադրում է, որ COVID-19-ի այս շտամի էվոլյուցիան կշարունակվի հետագայում ևս։ «Ընդհանուր առմամբ գոյություն ունի վիրուսի 4 տեսակ, որոնք մեր անհանգստությունն են հարուցում։ Սակայն անգամ այդ տարատեսակների պարագայում են լավ գործում ինֆեկցիայի տարածումը կանխող միջոցները»,- նշել է վան Կերկխովեն։
Մյուս 3 տարատեսակների մասին վերջինս չի ցանկացել խոսել։
Տաթև Ֆռանգյան
