09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Դատավճիռը բողոքարկելու ենք. Երեմ Սարգսյան. ՏԵՍԱՆՅՈՒԹ
Հասարակություն
01.06.2021 | 17:33
Երևանի ընդհանուր իրավասության դատարանը՝ դատավոր Աննա Դանիբեկյանի նախագահությամբ, այսօր՝ հունիսի 1-ին, ՀՀ երրորդ նախագահ Սերժ Սարգսյանի եղբորորդու՝ Հայկ Սարգսյանի նկատմամբ քրեական հետապնդումը դադարեցնելու մասին վճիռ կայացրեց։
Ըստ դատարանի վճռի՝ Հայկ Սարգսյանն արդարացվեց ապօրինի զենք-զինամթերք կրելու հոդվածով, իսկ սպանության փորձի մեղադրանքը, որը վերաորակվել է անզգուշությամբ ծանր մարմնական վնասվածք պատճառելու հոդվածով, կիրառվեց վաղեմության ժամկետ։ Ըստ էության, դատարանը մեկ հոդվածով արդարացրեց Հայկ Սարգսյանին, մյուսով՝ մեղավոր ճանաչեց։
Հայկ Սարգսյանի փաստաբան Երեմ Սարգսյանը լրագրողների հետ զրույցում նշեց. «Պետք է արձանագրենք, որ մենք համաձայն չենք այս դատական ակտի հետ, որովհետև մենք գտնում ենք, որ Հայկ Սարգսյանը բոլոր մեղադրանքներով է ենթակա արդարացման… Ապօրինություններն ակնհայտ են… Դատավճիռը բողոքարկելու ենք, պարտադիր բողոք կներկայացնենք Վերաքննիչ դատարան»:
Մանրամասները՝ տեսանյութում:
