Քաղաքականություն
01.06.2021 | 11:18Փոխվարչապետի պաշտոնակատար Մհեր Գրիգորյանն ԱԺ-ում լրագրողների հետ զրույցում անդրադառնալով Ալիևի հայտարարություններին՝ Մեղրիի, Զանգեզուրի միջանցքի մասին՝ նշել է. «Միջանցքային տրամաբանության հարցեր հայկական կողմը չի քննարկել և չի քննարկելու, և հնարավոր էլ չի քննարկել նման հարց: Եթե միջանցք ասելով՝ որոշ մարդիկ նկատի ունեն տրանսպորտային ուղիներ, դա մի հարց է, բայց եթե միջանցք ասելով՝ մարդիկ նկատի ունեն սուվերենության հետ կապված որևէ հանգամանք, կրկին վստահեցնում եմ ձեզ, որ դա բացառվում է իմ քննարկումների օրակարգում»:
Անդրադառնալով հարցին, թե հայկական կողմն ինչպես է հասկանում միջանցքի և տարածաշրջանային կապուղու տարբերությունը, Գրիգորյանը ևս մեկ անգամ վստահեցրեց. «Եթե որևիցե մեկը միջանցք ասելով՝ հասկանում է սուվերենության հետ կապված որևէ աստիճանի որևէ ազդեցություն դա բացառված է: Նման քննարկում չի եղել և չի լինելու:
Ընկալումների խնդիր է՝ մարդ կա, որ դա համարում է ուղղություն, մարդ կա համարում է նպատակ, մարդ կա համարում է սպեցիֆիկ ենթակառուցվածք: Եթե մեր սուվերեն ենթակառուցվածքների մասին ենք խոսում, կա՛մ կլինի ապաշրջափակում մեր սուվերեն ենթակառուցվածքների օգտագործմամբ, կա՛մ չի լինի: Զորքեր կանգնած չեն լինելու այդտեղ»:
Մանրամասները՝ տեսանյութում:
