12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Բաքուն սատարում է ՀՀ-ի հետ սահմանի դեմարկացիայի միջազգային կոչերը, սակայն «տարածքային ամբողջականության հարգմամբ»
Քաղաքականություն
31.05.2021 | 18:54
Ադրբեջանի ԱԳՆ մամուլի ծառայության ղեկավար Լեյլա Աբդուլլաևան հայտարարել է, որ պաշտոնական Բաքուն սատարում է միջազգային հանրության կոչերին հայ-ադրբեջանական սահմանի լարվածության խաղաղ լուծման, սահմանի դելիմիտացիայի ու դեմարկացիայի իրականացմանը։
«Մենք բազմիցս հայտարարել ենք, որ աջակցում ենք սահմանային լարվածության կարգավորմանը՝ բանակցութունների միջոցով, ինչպես նաև միջազգային հանրության կոչերը երկու երկրների միջև դելիմիտացիայի ու դեմարկացիայի մասին։ Ինչպես հայտնի է՝ Ադրբեջանը նաև աջակցել է Հայաստանի ու Ադրբեջանի միջև սահմանների դելիմիտացիայի ու դեմարկացիայի եռակողմ հանձնաժողովի առաջարկին»,- ասել է Աբդուլլաևան։
Նա նաև նշել է, թե դեմարկացիա ու դելիմիտացիա իրականացնելիս «անհրաժեշտ է հարգել երկրների տարածքային ամբողջականությունը»։
«Միայն ինքնիշխանության, տարածքային ամբողջականության և սահմանների անձեռնմխելիության՝ միջազգային իրավունքի խիստ պահպանման հիման վրա կարող ենք կարգավորել միջպետական հարաբերությունները, սկսել սահմանի դելիմիտացիա ու դեմարկացիա, և վերջապես ամուր հիմք դնել խաղաղ գոյակցության համար»,- ասել է Աբդուլլաևան։
Մեկնաբանելով ԵԱՀԿ Մինսկի խմբի վերջին հայտարարությունը՝ Լեյլա Աբդուլլաևան կրկին ադրբեջանական թեզերն է հնչեցրել ու նշել, որ 6 հայ գերիներին ՀՀ սուվերեն տարածքից գերեվարել են, իբր, սադրանքների համար։
Էմմա Չոբանյան
