Քաղաքականություն
31.05.2021 | 22:47
Իրանի նախագահի աշխատակազմի ղեկավարը հայտարարել է, որ Թեհրանն ու Բաքուն կարողացել են բոլոր ոլորտներում իրենց հարաբերությունները հասցնել ռազմավարական մակարդակի, գրում է Tasnim-ը:
Կիրակի Թեհրանում Ադրբեջանի փոխվարչապետ Շահին Մուսթաֆաևի հետ հանդիպմանը Մահմուդ Վաեզին ասել է, որ Իրանի և Ադրբեջանի նախագահների վճռականությունը երկու հարևանների միջև հարաբերությունները բոլոր ոլորտներում հասցրել է ռազմավարական մակարդակի:
Նա նաև նշել է, որ երկու երկրների ղեկավարների միջև անցյալում ստորագրված համաձայնագրերը պետք է կյանքի կոչվեն։
«Այսօր հարմար պայմաններ են ստեղծվել՝ համատեղ նախագծերը կյանքի կոչելու ուղղությամբ նախապատրաստությունների համար, որոնք հետաձգվել էին ԱՄՆ-ի խիստ պատժամիջոցների պատճառով»,- ավելացրել է Վաեզին։
Իր հերթին, Մուսթաֆաևը հայտարարել է, որ Իրանի հետ ավելի ամուր հարաբերությունների ծրագրերը գտնվում են Ադրբեջանի Հանրապետության արտաքին քաղաքականության կարևորագույն օրակարգում:
Տաթև Ֆռանգյան
