12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Վրացական Նամախվանիում ՀԷԿ-ի կառուցման համար հերթական բախումներն են գրանցվել ընդդիմադիրների ու ոստիկանների միջև
Քաղաքականություն
31.05.2021 | 16:32
Այսօր առավոտյան Վրաստանի արևմուտքում գտնվող Գումաթի գյուղում հերթական բախումներ են գրանցվել Նամախվանիի ՀԷԿ-ի կառուցման հմար՝ ընդդիմադիրների ու ոստիկանության միջև, գրում է Sputnik-ի վրացական ծառայությունը։
Ցուցարարները սկսել են հավաքվել մետաղյա արգելապատնեշների մոտ առավոտյան ժամը 5-ից: Ցուցարարների խոսքով՝ ընկրության աշխատակիցներին Նամախվանի են տեղափոխում ոստիկանական մեքենաներով։ «Ռիոնի կիրճի պաշտպանները» փակել են ENKA- ի մեքենաների ճանապարհը դեպի շինհրապարակ: Բողոքի ցուցերի կազմակերպիչ Վառամ Գոլետիանիի խոսքով ՝ այսօր ևս նրանք կփորձեն ճեղքել պատնեշներն ու աղմուկ բարձրացնել՝ իրավապահների ու ընկերության աշխատակիցների վրա հոգեբանական ազդեցոություն թողնելու համար։
Հիշեցնենք՝ Նամախվանի հիդրոէլեկտրակայանի կառուցումը հետաձգվում է 2009 թվականից՝ տեղի բնակչության ցույցերի, ինչպես նաև շրջակա միջավայրի վրա ազդեցության ռիսկերի պատճառով։ ՀԷԿ-ի կառուցումը, որի նախագծային հզորությունը կազմում է 460 մվտ, սկսվել է 2020 թվականի ամռանը: Այն կառուցում է թուրքական ENKA Insaat ve Sanayi A.S. ընկերությունը, իսկ ներդրումների ծավալը կազմում է 800 միլիոն դոլար։
Տաթև Ֆռանգյան
