26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Դուբլինից Կրակով թռչող Ryanair-ի ինքնաթիռը արտակարգ վայրէջք է կատարել Բեռլինում՝ դարձյալ ականապատված լինելու մասին տեղեկություններից հետո
Քաղաքականություն
31.05.2021 | 13:40
Դուբլինից Կրակով թռչող Ryanair-ի ինքնաթիռը ռումբի պայթյունի սպառնալիքի պատճառով արտակարգ վայրէջք է կատարել Բեռլինում: Ըստ հատուկ ծառայությունների տվյալների ՝ ինքնաթիռում պայթուցիկ չի հայտնաբերվել, գրում է EurAsia Daily-ն:
Ryanair ինքնաթիռի անձնակազմը, որը թռչում էր Իռլանդիայի Դուբլին քաղաքից Լեհաստանի Կրակով քաղաք, հարկադիր վայրէջք է կատարել Բեռլինում՝ ականապատված լինելու մասին տեղեկությունների պատճառով: Ինքնաթիռը զննելուց հետո պայթուցիկ սարքեր չեն հայտնաբերվել, սակայն ուղևորները մեկ այլ ինքնաթիռով են շարունակել թռիչքը:
Ինքնաթիռում եղել է 160 ուղևոր: Գերմանական լրատվամիջոցների հաղորդմամբ ՝ ուղևորների ուղեբեռները դրվել են թռիչքուղու վրա, որպեսզի շները խուզարկեն դրանք, իսկ ինքնաթիռը շրջապատվել է բազմաթիվ ոստիկանական և հրշեջ մեքենաներով:
Հիշեցնենք՝ մայիսի 23-ին Աթենքից Վիլնյուս թռչող Ryanair ընկերության ինքնաթիռը հարկադիր վայրէջք էր կատարել Մինսկում։ Օդաչուներին տեղեկացրել էին օդանավում տեղադրված ռումբի մասին և նրանց խորհուրդ էին տվել վայրէջք կատարել Մինսկում։ Բելառուսը Միգ -29 կործանիչ էր բարձրացրել երկինք՝ ինքնաթիռը ուղեկցելու համար: Ինքնաթիռի վայրէջքից հետո բերման էր ենթարկվել ընդդիմադիր Ռոման Պրոտասևիչը՝ NEXTA-ի նախկին գլխավոր խմբագիրը։ Իսկ օդանավում ոչ մի ռումբ չէր հայտնաբերվել: Պրոտասևիչը, նրա ընկերուհին՝ Ռուսաստանի քաղաքացի Սոֆիա Սապեգան և մի քանի այլ անձինք չէին հասել Վիլնյուս:
Տաթև Ֆռանգյան
