31.07.2026 | 18:38
Մոսկվան հայտարարում է, թե ՆԱՏՕ-ն ձգտում է Հայաստանին «հեռացնել» ՀԱՊԿ-ից
Չինաստանում զույգերին թույլատրել են ունենալ մինչև 3 երեխա
Քաղաքականություն
31.05.2021 | 12:57
Չինաստանը հայտարարել է երկու երեխա ունենալու խիստ քաղաքականության ավարտը։ Այսուհետ յուրաքանչյուր զույգի կթույլատրվի ունենալ մինչև երեք երեխա, գրում է BBC News-ը:
Ըստ չինական «Սինհուա» պետական լրատվական գործակալության՝ փոփոխությունը հաստատվել է նախագահ Սի Ցզինպինի կողմից քաղբյուրոյի նիստում:
Նման որոշում է կայացվել այն բանից հետո, երբ յուրաքանչյուր տասը տարին մեկ անգամ իրականացվող մարդահամարը ցույց է տվել, որ Չինաստանի բնակչության թվի աճը եղել է վերջին տասնամյակների ընթացքում ամենադանդաղը։
Սա ավելացրել է ճնշումը Պեկինի վրա ՝ խթանելու զույգերին ավելի շատ երեխաներ ունենալու միջոցները և կանխելու բնակչության թվի նվազումը:
Չինաստանում իրականացված մարդահամարը, որի տվյալները հրապարակվել էին այս ամսվա սկզբին, ցույց է տվել, որ անցյալ տարի ծնվել է շուրջ 12 միլիոն երեխա, ինչը զգալիորեն նվազել է 2016 թվականի 18 միլիոն ցուցանիշ հետ համեմատ և 1960-ականներից ի վեր գրանցված ծնունդների ամենացածր թիվն է:
Մարդահամարի տվյալների արդյունքների հրապարակումից հետո ակնկալվում էր, որ Չինաստանը կթուլացնի իր ընտանեկան քաղաքականության կանոնները:
Տաթև Ֆռանգյան
