08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Գիտնականը նախազգուշացնում է մարդկությանը COVID-26 և COVID-32 սպառնալիքների մասին
Քաղաքականություն
31.05.2021 | 10:05
Ամերիկացի գիտնական Փիթեր Հոտեզը, ԱՄՆ-ում կորոնավիրուսի և վարակիչ հիվանդությունների փորձագետներից մեկը, հայտարարել է, որ անհրաժեշտ է մանրակրկիտ ուսումնասիրել COVID-19-ի ծագումը, հակառակ դեպքում մարդկությունը կարող է բախվել COVID-26-ին և COVID-32-ին. հայտնում է lenta.ru-ն՝ հղումանելով NBC News-ին:
«Սա 21-րդ դարում երրորդ խոշոր համաճարակն է: Մայր բնությունը մեզ զգուշացնում է, եթե մենք ամբողջությամբ չհասկանանք COVID-19- ի ծագումը, ապա կլինի COVID-26 և COVID-32-», – ասել է նա:
Մասնագետը նշել է, որ հարկ է ուսումնասիրել նոր կորոնավիրուսի բռնկման առաջացումը: Դրա համար անհրաժեշտ է վիրուսաբաններ և համաճարակաբաններ ուղարկել Ուուհան, որտեղից բռնկվել է համաճարակը: Տեղում գիտնականները կկարողանան հավաքել տվյալներ և անհրաժեշտ նմուշներ:
Հոտեզը նշել է, որ առանց Չինաստանի հետ համագործակցության դժվար կլինի կորոնավիրուսային վարակի ծագման վերաբերյալ տեղեկատվություն ստանալ: Նա հավելել է, որ Պեկինի վրա պետք է ուժեղ ճնշում գործադրվի, ներառյալ հնարավոր պատժամիջոցները, որպեսզի մասնագետները կարողանան անարգել մուտք գործել լաբորատորիաներ և նմուշառումներ վերցնել կենդանիներից, մարդկանցից:
Նշենք, ոչ փետրվարին Միացյալ Նահանգները մտահոգություն հայտնեց Առողջապահության համաշխարհային կազմակերպության ՝ կորոնավիրուսի ծագման վերաբերյալ նախնական արդյունքների վերաբերյալ: Կազմակերպության փորձագետները համաճարակի ծագման ամենահավանական վարկածը անվանել են COVID-19- ի փոխանցումը միջանկյալ կրիչից մարդկանց: Չինաստանի իշխանությունները բռնկման հենց առաջին օրերին հրաժարվել էին ԱՀԿ փոխանցել տվյալները:
