09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Օմսկից Հայաստան են արտագաղթում. պաշտոնյաներին արտագաղթը չի զարմացնում, բայց անհանգստացնում է
Հասարակություն
22.02.2018 | 11:17
Օմսկի վիճակագրության վարչությունն ամփոփել է 2017 թվականի միգրացիոն գործընթացները, ըստ որի՝ երկիր ժամանողների թիվը եղել է 54.082, մեկնածներինը՝ 63.935 մարդ. տեղեկացնում newsomsk.ru-ն:
Օմսկի բնակիչներն ամենաշատն արտագաղթել են Ղազախստան (4.721 մարդ), Ուկրաինա (696 մարդ) և Հայաստան (323 մարդ), որը կազմում է արտասահմանում հաստատված մարզի բնակիչների երեք քառորդը:
«Բնակության վայրի փոփոխության հիմնական պատճառները մասնագիտությամբ ավելի բարձր վարձատրվող աշխատանք գտնելու, բարձրագույն կրթություն ստանալու հնարավորություններն են»,- ասել է Օմսկի մարզի աշխատանքի և սոցիալական զարգացման հարցերով նախարարության աշխատանքի հարցերով բաժնի ղեկավար Մարինա Խամովան:
Նշվում է, որ պաշտոնյաներին արտագաղթն արդեն չի զարմացնում, բայց անհանգստացնում է՝ հատկապես հաշվի առնելով այն, որ բնակության նոր վայրում հաստատվել նախընտրում են մեծ մասամբ Օմսկի այն բնակիչները, որոնք աշխատունակ տարիքում են:
